Víkingur og Fjölnir á sigurbraut í Reykjavíkurmótinu

Keppni í A-riðli Reykjavíkurmóts karla í fótbolta hófst í dag með tveimur leikjum í Egilshöll.

Pepsi-deildarlið Víkings vann 3-1 sigur á 2.deildarliði ÍR en það voru ÍR-ingar sem komust yfir snemma leiks með marki Más Viðarssonar. Rick Ten Voorde jafnaði fyrir Víkinga eftir tæplega hálftíma leik og í síðari hálfleik tryggði úrvalsdeildarliðið sér sigur með mörkum frá Erlingi Agnarssyni og Ten Voorde.

Í síðari leiknum þurfti hitt Breiðholtsliðið, Leiknir, að lúta í lægra haldi með sömu markatölu fyrir Fjölni en bæði liðin leika í Inkasso-deildinni.

Upplýsingar um úrslit af Úrslit.net.