Guðbjörg fór meidd af velli

Landsliðsmarkvörðurinn Guðbjörg Gunnarsdóttir fór meidd af velli í fyrri hálfleik í leik Djurgården og Pitea í sænsku úrvalsdeildinni í fótbolta í dag.

Ekki liggur fyrir hversu alvarleg meiðsli Guðbjargar eru en nógu slæm þó til þess að hún neyddist til þess að fara af velli og varamarkvörður Djurgården kom inn í hennar stað.

Eina mark leiksins kom áður en Guðbjörg yfirgaf markið, Emelie Lovgren náði að skora framhjá íslenska landsliðsmarkverðinum á 20. mínútu.

Vi går till halvtidsvila med fortsatt underläge 0-1. Djurgården har i den 38:e minuten tvingats till målvaktsbyte efter skada på Gudbjörg Gunnarsdottir.

— Djurgården Fotboll (@DIF_Fotboll) September 23, 2018

Í sænsku karladeildinni sat Haukur Heiðar Hauksson allan leikinn á varamannabekk AIK þegar Hammarby mætti í heimsókn.

Henok Goitom skoraði eina mark leiksins fyrir AIK á 76. mínútu eftir að hafa misnotað vítaspyrnu fyrr í leiknum.