Emil Pálsson spilaði allan leikinn í jafntefli

Allt virtist stefna í markalausan leik er Brann og Sandefjord mættust í norsku úrvalsdeildinni í dag en Emil Pálsson lék allan leikinn í liði Sandefjord.



Það var ekki fyrr en á 80. mínútu leiksins sem fyrsta markið leit dagsins ljós en þá komst Sandefjord yfir.



Skömmu síðar jafnaði Brann og urðu það lokatölur. Emil nældi sér í gult spjald í uppbótartíma.



Brann er í harðri titilbaráttu við Rosenborg en Sandefjord situr sem fastast á botni deildarinnar.



Aron Sigurðarson sat allan tímann á varamannabekk Start sem vann Bodo/Glimt, 2-1. Start er í 14. sæti deildarinnar.