Föstudagsplaylisti kef LAVÍK

Sveitin kef LAVÍK hefur haldið sig í skjóli nafnleyndar og kom ekki fram á tónleikum fyrr en að þriðja útgáfa þeirra var komin út, í desember 2016. Þrátt fyrir nafnleyndina hylja meðlimirnir ekki andlit sín á tónleikum né myndum. Sveitina skipa 2 piltar frá Hornafirði.

Erfitt hefur reynst að skilgreina tónlist hljómsveitarinnar en þeir hafa sjálfir kallað hana póstmódernískt rafpopp. Ef það ætti að líkja henni við eitthvað annað væri það helst önnur íslensk nafnleyndar-sveit, Vaginaboys.

Kef lavík koma fram á tónleikum 29. september á Húrra, en tónleikar sveitarinnar eru fátíðir og selst iðulega upp á þá.

Um lagalistann höfðu þeir fátt annað að segja en að hann væri samsettur af lögum „til að get inebriated við“ í bland við tónlist sem veitir þeim innblástur við að semja nýtt efni.