Bergman, Ullmann og villt jarðarber í Paradís Þórarinn Þórarinsson skrifar 30. ágúst 2018 07:00 Ingmar Bergman er þekktasti og dáðasti kvikmyndaleikstjóri Svíþjóðar fyrr og síðar. Hann hefði orðið 100 ára gamall í sumar og því fagna sænska sendiráðið og Bíó Paradís næstu vikuna. Vísir/Getty Bergman-hátíðin í Bíó Paradís hefst í dag, 30.?ágúst og lýkur sunnudaginn 9. september. Sýndar verða fjórar valdar bíómyndir eftir Bergman, boðið verður upp á pallborðsumræður í tengslum við myndirnar og sérstaka gesti. Sett hefur verið upp sýning í anddyri Bíós Paradísar með æviágripi Bergmans í máli og myndum ásamt vídeósýningu með 32 sjaldgæfum myndbrotum sem veita innsýn í líf og störf listamannsins. Þá mun listamaðurinn Martin Lima de Faria flytja gjörning í anddyri kvikmyndahússins í heilan sólarhring þar sem hann notar gjallarhorn Bergmans til að láta fjöður dansa í vindi í hvert skipti sem barn fæðist á Landspítalanum en með þessu móti vill hann fagna lífinu að hætti Bergmans.Sumarið með Moniku Afmælishátíð Ingmars Bergman hefst með sérstakri sýningu á myndinni Sommaren med Monika frá 1953. Sumarið með Moniku er líklega ein aðgengilegasta mynd leikstjórans og er byggð á bók eftir Per Anders Fogelström. Myndin féll síðar í skuggann af þyngri myndum Bergmans sem mörgum hefur verið hampað sem sannkölluðum meistaraverkum. Sólargeislar verma unga elskendur í sænska skerjagarðinum þegar ástin blossar upp milli unglinganna Harrys og Moniku. Þau stinga af og eyða sumrinu saman á afskekktri eyju en grár veruleikinn skellur á þeim þegar Monika kemst að því að hún er ólétt.Liv Ullmann lék í tíu myndum Bergmans. Kvikmyndaferill hennar tók flugið með samstarfi þeirra og almennt er leikstjórinn talinn hafa náð hæstu hæðum í þeim verkum sem þau gerðu saman.Vísir/gettyMörg höfundareinkenni Bergmans eru þegar greinileg og gullfalleg myndatakan er í höndum Gunnars Fischer. Katrín Jakobsdóttir forsætisráðherra flytur erindi áður en myndin verður sýnd en dagskráin hefst í kvöld klukkan 19.Villtu jarðarberin Villtu jarðarberin frá 1957 segir frá gömlum manni sem þarf að horfast í augu við erfiðar minningar þegar hann ferðast á bernskuslóðir. Bergman þykir útfæra minningarnar sérlega vel með afturhvarfi (flashback) en frásögnina kryddar hann síðan með súrrealískum draumum. Villtu jarðarberin þykir fyrirtaks dæmi um hversu snjall sögumaður Bergman var á bak við kvikmyndatökuvélina. Myndin verður sýnd sunnudaginn 2. september klukkan 16 en að sýningu lokinni verða pallborðsumræður um Bergman sem höfund. Fanný og Alexander Fanný og Alexander frá 1982 segir frá samnefndum systkinum á hinu litríka Ekdahl-heimili í sænskum bæ snemma á tuttugustu öldinni. Foreldrar þeirra, Oscar og Emilie, stýra leikhúsinu í bænum. Móðir Oscars og bróðir eru helstu styrktaraðilar leikhússins. Þegar Oscar fellur frá langt fyrir aldur fram giftist ekkja hans biskupinum og flytur með börnin til hans þar sem siðavendni ræður ríkjum. Myndin verður sýnd fimmtudaginn 6. september klukkan 18 að viðstöddum klipparanum Sylvia Ingemarsson sem mun kynna myndina og sitja fyrir svörum eftir sýninguna. Hún vann náið með Bergman og klippti fjórtán mynda hans, þar á meðal Fanný og Alexander. Haustsónatan Lokaviðburður hátíðarinnar verður sýning á kvikmyndinni Haustsónatan frá 1978. Myndin segir frá heimsfrægum píanóleikara, Charlotte (Ingrid Bergman), sem hverfur á vit dóttur sinnar Evu (Liv Ullmann), þegar ástvinur hennar deyr. Leikur Ingrid Bergman hefur verið mjög rómaður í þessari mynd og raunar má vart á milli sjá hvor stendur sig betur, Liv eða Ingrid, en þær eru á tjaldinu nær allan tímann. Myndin er löng og áhrifamikil og óhætt að mæla með henni við þá, sem hafa áhuga á mannlegum samskiptum, tilfinningum og frábærum leik. Að sýningu lokinni stýrir Oddný Sen pallborðsumræðum um áhrif Bergmans á íslenska kvikmyndalist. Ókeypis er inn á alla viðburði Bergman-hátíðarinnar sem er í boði sænska sendiráðsins. Birtist í Fréttablaðinu Bíó og sjónvarp Norðurlönd Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Kristófer Helga í veikindaleyfi Lífið Seldu Kolbeini Sigþórs og keyptu í miðbænum Lífið Enginn súr í sætu teiti í Ásmundarsal Tónlist Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Fleiri fréttir Hittast á hlutlausum stað Risavaxinn mörgæsarungi nýjasta stjarna Melbourne Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Ebba Katrín og Oddur keyptu hús í miðbænum Kristófer Helga í veikindaleyfi „Eini metnaðurinn minn var að líða ekki illa“ Lítill bróðir mættur: „Fullkominn, stór og sterkur“ Stjörnulífið: Töru Sif meinað að fara í bað Hjálmari Erni leið eins og manninum í Slumdog Millionaire í Kviss Sjóðheitar og einhleypar inn í haustið Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Sjá meira
Bergman-hátíðin í Bíó Paradís hefst í dag, 30.?ágúst og lýkur sunnudaginn 9. september. Sýndar verða fjórar valdar bíómyndir eftir Bergman, boðið verður upp á pallborðsumræður í tengslum við myndirnar og sérstaka gesti. Sett hefur verið upp sýning í anddyri Bíós Paradísar með æviágripi Bergmans í máli og myndum ásamt vídeósýningu með 32 sjaldgæfum myndbrotum sem veita innsýn í líf og störf listamannsins. Þá mun listamaðurinn Martin Lima de Faria flytja gjörning í anddyri kvikmyndahússins í heilan sólarhring þar sem hann notar gjallarhorn Bergmans til að láta fjöður dansa í vindi í hvert skipti sem barn fæðist á Landspítalanum en með þessu móti vill hann fagna lífinu að hætti Bergmans.Sumarið með Moniku Afmælishátíð Ingmars Bergman hefst með sérstakri sýningu á myndinni Sommaren med Monika frá 1953. Sumarið með Moniku er líklega ein aðgengilegasta mynd leikstjórans og er byggð á bók eftir Per Anders Fogelström. Myndin féll síðar í skuggann af þyngri myndum Bergmans sem mörgum hefur verið hampað sem sannkölluðum meistaraverkum. Sólargeislar verma unga elskendur í sænska skerjagarðinum þegar ástin blossar upp milli unglinganna Harrys og Moniku. Þau stinga af og eyða sumrinu saman á afskekktri eyju en grár veruleikinn skellur á þeim þegar Monika kemst að því að hún er ólétt.Liv Ullmann lék í tíu myndum Bergmans. Kvikmyndaferill hennar tók flugið með samstarfi þeirra og almennt er leikstjórinn talinn hafa náð hæstu hæðum í þeim verkum sem þau gerðu saman.Vísir/gettyMörg höfundareinkenni Bergmans eru þegar greinileg og gullfalleg myndatakan er í höndum Gunnars Fischer. Katrín Jakobsdóttir forsætisráðherra flytur erindi áður en myndin verður sýnd en dagskráin hefst í kvöld klukkan 19.Villtu jarðarberin Villtu jarðarberin frá 1957 segir frá gömlum manni sem þarf að horfast í augu við erfiðar minningar þegar hann ferðast á bernskuslóðir. Bergman þykir útfæra minningarnar sérlega vel með afturhvarfi (flashback) en frásögnina kryddar hann síðan með súrrealískum draumum. Villtu jarðarberin þykir fyrirtaks dæmi um hversu snjall sögumaður Bergman var á bak við kvikmyndatökuvélina. Myndin verður sýnd sunnudaginn 2. september klukkan 16 en að sýningu lokinni verða pallborðsumræður um Bergman sem höfund. Fanný og Alexander Fanný og Alexander frá 1982 segir frá samnefndum systkinum á hinu litríka Ekdahl-heimili í sænskum bæ snemma á tuttugustu öldinni. Foreldrar þeirra, Oscar og Emilie, stýra leikhúsinu í bænum. Móðir Oscars og bróðir eru helstu styrktaraðilar leikhússins. Þegar Oscar fellur frá langt fyrir aldur fram giftist ekkja hans biskupinum og flytur með börnin til hans þar sem siðavendni ræður ríkjum. Myndin verður sýnd fimmtudaginn 6. september klukkan 18 að viðstöddum klipparanum Sylvia Ingemarsson sem mun kynna myndina og sitja fyrir svörum eftir sýninguna. Hún vann náið með Bergman og klippti fjórtán mynda hans, þar á meðal Fanný og Alexander. Haustsónatan Lokaviðburður hátíðarinnar verður sýning á kvikmyndinni Haustsónatan frá 1978. Myndin segir frá heimsfrægum píanóleikara, Charlotte (Ingrid Bergman), sem hverfur á vit dóttur sinnar Evu (Liv Ullmann), þegar ástvinur hennar deyr. Leikur Ingrid Bergman hefur verið mjög rómaður í þessari mynd og raunar má vart á milli sjá hvor stendur sig betur, Liv eða Ingrid, en þær eru á tjaldinu nær allan tímann. Myndin er löng og áhrifamikil og óhætt að mæla með henni við þá, sem hafa áhuga á mannlegum samskiptum, tilfinningum og frábærum leik. Að sýningu lokinni stýrir Oddný Sen pallborðsumræðum um áhrif Bergmans á íslenska kvikmyndalist. Ókeypis er inn á alla viðburði Bergman-hátíðarinnar sem er í boði sænska sendiráðsins.
Birtist í Fréttablaðinu Bíó og sjónvarp Norðurlönd Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Kristófer Helga í veikindaleyfi Lífið Seldu Kolbeini Sigþórs og keyptu í miðbænum Lífið Enginn súr í sætu teiti í Ásmundarsal Tónlist Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Fleiri fréttir Hittast á hlutlausum stað Risavaxinn mörgæsarungi nýjasta stjarna Melbourne Magnaðar myndir af lengstu á landsins Seldu Kolbeini Sigþórs og keyptu í miðbænum Tóku hraðanum misalvarlega en hlupu fyrir langveik börn Ebba Katrín og Oddur keyptu hús í miðbænum Kristófer Helga í veikindaleyfi „Eini metnaðurinn minn var að líða ekki illa“ Lítill bróðir mættur: „Fullkominn, stór og sterkur“ Stjörnulífið: Töru Sif meinað að fara í bað Hjálmari Erni leið eins og manninum í Slumdog Millionaire í Kviss Sjóðheitar og einhleypar inn í haustið Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Sjá meira