Föstudagsplaylisti Alexöndru Ingvarsdóttur

Alexandra, sem m.a. leikur með harðkjarnapönksveitinni Dauðyflunum og drungapönksveitinni Börnum, setti saman föstudagspönklagalista fyrir Vísi.

Um verslunarmannahelgina kemur Alexandra fram bæði með Börnum og Dauðyflunum á svokölluðu ættarmóti pönkara, Norðanpaunki á Laugarbakka.

Dauðyflin eru gefin út af bandarísku grasrótarharðkjarnaútgáfunni Iron Lung, sem er ansi þekkt útgáfa innan þessarar senu. Í vor gáfu þau einmitt út sjötommu samnefnda bandinu, sem er önnur útgáfa þeirra hjá Iron Lung.

Börn eru snúin aftur úr pásu eftir að hafa gert gott mót kringum árið 2014, en þá fengu þau meðal annars úthlutun úr Kraums sjóðinum fyrir eina af bestu plötum ársins.