Greindist með leghálskrabbamein á meðgöngu: „Fanney er algjör nagli“ Sylvía Rut Sigfúsdóttir skrifar 10. ágúst 2018 10:00 Andrea Sigurðardóttir ætlar að hlaupa 10 kílómetra í Reykjavíkurmaraþoninu fyrir vinkonu sína. Vísir/Vilhelm Andrea Sigurðardóttir flugfreyja ætlar að hlaupa 10 kílómetra í Reykjavíkurmaraþoninu til styrktar Ljósinu, endurhæfingu fyrir krabbameinsgreinda. Andrea valdi þetta málefni því á dögunum greindist mjög góð vinkona hennar með krabbamein. Hún segir að áheitin sem safnast í Reykjavíkurmaraþoni Íslandsbanka séu gríðarlega mikilvæg fyrir málefnin, sem mörg treysti alfarið á styrki. „Ég hef tekið þátt síðastliðin þrjú ár en það var til styrktar Stígamóta. Ég ætlaði ekki að taka þátt í ár en eftir að Fanney vinkona mín greindist ákvað ég að hlaupa fyrir hana. Ég valdi Ljósið af því að það er bæði fyrir þá sem greinast með krabbamein og aðstandendur. Þetta félag gengur mikið á styrkjum,“ segir Andrea í samtali við Vísi. Í 20. vikna sónar á Landspítalanum fengu Fanney Eiríksdóttir og eiginmaður hennar, Ragnar Snær Njálsson, að vita að þau ættu von á strák og allt liti vel út. Fyrir eiga þau þriggja ára stúlku og voru þetta miklar gleðifréttir. Aðeins 24 tímum síðar voru þau kölluð í viðtal á sjúkrahúsinu þar sem gleðin breyttist skyndilega í sorg. „Fengum við verstu fréttir lífs okkar og óhætt að segja að við séum í miklu sjokki og eigum erfitt með að skilja þetta allt saman. Ástin mín hún Fanney er sem sagt komin með leghálskrabbamein og virðist sem þær frumubreytingar sem átt hafa sér stað undanfarin ár hafi algerlega yfirsést læknum í þeim strokum og öðrum skoðunum sem hún hefur mjög reglulega og samviskusamlega farið í,“ skrifaði Ragnar Snær í einlægum pistli sem hann birti á Facebook.Líf móður og barns í mikilli hættu Mein Fanneyjar er komið talsvert lengra en vonir stóðu til um og var þetta mikið áfall fyrir fjölskylduna og alla hennar aðstandendur. „Nú er staðan bara það alvarleg að þetta snýst ekki bara um að reyna að bjarga barninu, heldur er líf Fanneyjar einnig í mikilli hættu. Meinið er komið á það stig að það er ekki lengur skurðtækt, sem þýðir að það þarf að hefja lyfjameðferð um leið og hún kemst að.“ Fanney er nú komin 23 vikur á leið og í dag hóf hún sína lyfjameðferð. Stefnt er að því að litli drengurinn verði tekinn með keisaraskurði á 35. til 39. viku og þá hefjist strax geislameðferð Fanneyjar. „Ef við verðum svo lánsöm að strákurinn okkar nái að höndla þetta. Það er því miður ekkert gefið því þetta er svo sjaldgæft að það eru innan við 100 tilfelli af nákvæmlega þessu í heiminum, ever. Það eru því engar almennilegar stúdíur sem við getum farið eftir og ómögulegt að segja til um hvernig lyfin munu fara í barnið,“ útskýrir Ragnar Snær í pistli sínum.„Af því að hún greindist á meðgöngu er þetta miklu erfiðara. Það er lítið vitað og þau þurfa að taka þetta bara dag fyrir dag,“ segir Andrea. Hún segir að Fanney sé ákveðin í að sigrast á þessum veikindum. „Við vorum bootcamp vinkonur og þetta er ótrúlega hraust stelpa og hún á orkumikla þriggja ára yndislega stelpu. Þetta var rosalegt sjokk í raun og veru. Maður var bara að bíða eftir fréttum af því hvert kyn barnsins væri.“Andrea og Fanney hvetja allar konur til að fara reglulega í krabbameinsskoðun og panta aukaskoðun ef þörf er á. Vísir/VilhelmFærri en 100 tilfelli Andrea segir að það standi þéttur hópur í kringum Fanneyju sem ætli að styðja þétt við bakið á henni í þessum veikindum. „Fanney er algjör nagli og svo sterk. Eins við vinkonurnar og fjölskyldan hennar. Þannig að ég held að þetta verði bara sterkur og góður bati hjá henni.“ Fanney og Ragnar Snær sögðu sögu sína á Facebook í þeirri von að reyna eftir fremsta megni að nálgast þá aðila sem telja sig geta veitt hjálp og upplýsingar enda eru aðstæður þeirra sjaldgæfar og innan við hundrað tilfelli af þessu í heiminum. Á þessu stigi eru allar ráðleggingar vel þegnar og þau eru mjög opin fyrir því að komast í samband við þá sem veitt geta frekara sérfræðiálit og hjálpað til á hvaða veg sem það kann að vera, bæði innan- og utanlands.Minnir konur á að fara í leghálsskoðun Eins og kom fram í pistli þeirra á Facebook fór Fanney í allar krabbameinsskoðanir og það sem meira er fleiri en venjan er. Hún vill hvetja allar konur til að fara í aukaskoðun, jafnvel þó að grunur um að eitthvað sé að sé lítill eða enginn. Með þátttöku sinni vill Andrea vekja athygli á þeirra aðstæðum og líkt og Fanney minna ungar konur á mikilvægi þess að fara reglulega í krabbameinsskoðun. „Ég hvet alla til að fara í skoðun og mun sjálf fara núna á árinu.“Hægt er að heita á Andreu á síðunni Hlaupastyrkur.Vinkonur Fanneyjar hafa einnig opnað söfnunarreikning fyrir fjölskylduna, reikningsnúmer 0536-26-170487 og kennitala 100387-2209.Hér að neðan má svo lesa pistil Ragnar Snæs í heild sinni. Reykjavíkurmaraþon Mest lesið Bein útsending: Konur streyma á Arnarhól Innlent Nýtt fíkniefni læðist inn á íslenskan markað Innlent Meinað að taka þátt þar sem hún þurfti að hafa barnið með sér Innlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Rýnt í stöðuna í Úkraínu: Trump stendur loks við stóru orðin Erlent Allt að áttatíu þúsund mæti í miðbæinn og götulokanir í gildi Innlent Vara við vafasömum Excel-skjölum í umferð „bókstaflega út um allt“ Innlent Hóf störf of snemma eftir kvörtun vegna heimilisofbeldis Innlent Bandaríkjamenn ræsa út stærsta flugmóðurskip heims Erlent Fleiri fréttir Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Sjá meira
Andrea Sigurðardóttir flugfreyja ætlar að hlaupa 10 kílómetra í Reykjavíkurmaraþoninu til styrktar Ljósinu, endurhæfingu fyrir krabbameinsgreinda. Andrea valdi þetta málefni því á dögunum greindist mjög góð vinkona hennar með krabbamein. Hún segir að áheitin sem safnast í Reykjavíkurmaraþoni Íslandsbanka séu gríðarlega mikilvæg fyrir málefnin, sem mörg treysti alfarið á styrki. „Ég hef tekið þátt síðastliðin þrjú ár en það var til styrktar Stígamóta. Ég ætlaði ekki að taka þátt í ár en eftir að Fanney vinkona mín greindist ákvað ég að hlaupa fyrir hana. Ég valdi Ljósið af því að það er bæði fyrir þá sem greinast með krabbamein og aðstandendur. Þetta félag gengur mikið á styrkjum,“ segir Andrea í samtali við Vísi. Í 20. vikna sónar á Landspítalanum fengu Fanney Eiríksdóttir og eiginmaður hennar, Ragnar Snær Njálsson, að vita að þau ættu von á strák og allt liti vel út. Fyrir eiga þau þriggja ára stúlku og voru þetta miklar gleðifréttir. Aðeins 24 tímum síðar voru þau kölluð í viðtal á sjúkrahúsinu þar sem gleðin breyttist skyndilega í sorg. „Fengum við verstu fréttir lífs okkar og óhætt að segja að við séum í miklu sjokki og eigum erfitt með að skilja þetta allt saman. Ástin mín hún Fanney er sem sagt komin með leghálskrabbamein og virðist sem þær frumubreytingar sem átt hafa sér stað undanfarin ár hafi algerlega yfirsést læknum í þeim strokum og öðrum skoðunum sem hún hefur mjög reglulega og samviskusamlega farið í,“ skrifaði Ragnar Snær í einlægum pistli sem hann birti á Facebook.Líf móður og barns í mikilli hættu Mein Fanneyjar er komið talsvert lengra en vonir stóðu til um og var þetta mikið áfall fyrir fjölskylduna og alla hennar aðstandendur. „Nú er staðan bara það alvarleg að þetta snýst ekki bara um að reyna að bjarga barninu, heldur er líf Fanneyjar einnig í mikilli hættu. Meinið er komið á það stig að það er ekki lengur skurðtækt, sem þýðir að það þarf að hefja lyfjameðferð um leið og hún kemst að.“ Fanney er nú komin 23 vikur á leið og í dag hóf hún sína lyfjameðferð. Stefnt er að því að litli drengurinn verði tekinn með keisaraskurði á 35. til 39. viku og þá hefjist strax geislameðferð Fanneyjar. „Ef við verðum svo lánsöm að strákurinn okkar nái að höndla þetta. Það er því miður ekkert gefið því þetta er svo sjaldgæft að það eru innan við 100 tilfelli af nákvæmlega þessu í heiminum, ever. Það eru því engar almennilegar stúdíur sem við getum farið eftir og ómögulegt að segja til um hvernig lyfin munu fara í barnið,“ útskýrir Ragnar Snær í pistli sínum.„Af því að hún greindist á meðgöngu er þetta miklu erfiðara. Það er lítið vitað og þau þurfa að taka þetta bara dag fyrir dag,“ segir Andrea. Hún segir að Fanney sé ákveðin í að sigrast á þessum veikindum. „Við vorum bootcamp vinkonur og þetta er ótrúlega hraust stelpa og hún á orkumikla þriggja ára yndislega stelpu. Þetta var rosalegt sjokk í raun og veru. Maður var bara að bíða eftir fréttum af því hvert kyn barnsins væri.“Andrea og Fanney hvetja allar konur til að fara reglulega í krabbameinsskoðun og panta aukaskoðun ef þörf er á. Vísir/VilhelmFærri en 100 tilfelli Andrea segir að það standi þéttur hópur í kringum Fanneyju sem ætli að styðja þétt við bakið á henni í þessum veikindum. „Fanney er algjör nagli og svo sterk. Eins við vinkonurnar og fjölskyldan hennar. Þannig að ég held að þetta verði bara sterkur og góður bati hjá henni.“ Fanney og Ragnar Snær sögðu sögu sína á Facebook í þeirri von að reyna eftir fremsta megni að nálgast þá aðila sem telja sig geta veitt hjálp og upplýsingar enda eru aðstæður þeirra sjaldgæfar og innan við hundrað tilfelli af þessu í heiminum. Á þessu stigi eru allar ráðleggingar vel þegnar og þau eru mjög opin fyrir því að komast í samband við þá sem veitt geta frekara sérfræðiálit og hjálpað til á hvaða veg sem það kann að vera, bæði innan- og utanlands.Minnir konur á að fara í leghálsskoðun Eins og kom fram í pistli þeirra á Facebook fór Fanney í allar krabbameinsskoðanir og það sem meira er fleiri en venjan er. Hún vill hvetja allar konur til að fara í aukaskoðun, jafnvel þó að grunur um að eitthvað sé að sé lítill eða enginn. Með þátttöku sinni vill Andrea vekja athygli á þeirra aðstæðum og líkt og Fanney minna ungar konur á mikilvægi þess að fara reglulega í krabbameinsskoðun. „Ég hvet alla til að fara í skoðun og mun sjálf fara núna á árinu.“Hægt er að heita á Andreu á síðunni Hlaupastyrkur.Vinkonur Fanneyjar hafa einnig opnað söfnunarreikning fyrir fjölskylduna, reikningsnúmer 0536-26-170487 og kennitala 100387-2209.Hér að neðan má svo lesa pistil Ragnar Snæs í heild sinni.
Reykjavíkurmaraþon Mest lesið Bein útsending: Konur streyma á Arnarhól Innlent Nýtt fíkniefni læðist inn á íslenskan markað Innlent Meinað að taka þátt þar sem hún þurfti að hafa barnið með sér Innlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Rýnt í stöðuna í Úkraínu: Trump stendur loks við stóru orðin Erlent Allt að áttatíu þúsund mæti í miðbæinn og götulokanir í gildi Innlent Vara við vafasömum Excel-skjölum í umferð „bókstaflega út um allt“ Innlent Hóf störf of snemma eftir kvörtun vegna heimilisofbeldis Innlent Bandaríkjamenn ræsa út stærsta flugmóðurskip heims Erlent Fleiri fréttir Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Sjá meira