Ein besta bleikjuveiði síðustu ára við Þingvallavatn

Þingvallavatn er án efa eitt vinsælata veiðivatn landsins og þangað streyma veiðimenn þessa dagana enda góðar fréttir af veiði.

Það hefur varla verið þverfótað fyrir veiðifréttum úr Þingvallavatni á samfélagsmiðlun og það er ekki annað að sjá að veiðimenn séu að eiga góða þaga við vatnið. Við höfum heyrt tölur frá fimm upp í fimmtán bleikjur yfir daginn og ef það er einhver vafi um að kalla það góða veiði þá er meðalþyngdin um 3 pund og það eru ekki margar bleikjur sem veiðast mikið undir því og nokkrar stærri.

Við fylgjum fimm veiðimönnum á samfélagmiðlum sem veiða mikið í vatninu og samanlagður afli þeirra í júnímánuði var 263 bleikjur sem er afrakstur þokkalegrar ástundunnar, ekki meira en það. Þessir veiðimenn eiga sína uppáhaldsstaði í vatninu og vilja ekki greina frá því hvar það er en þeir fara víða um vatnið. Fjórir þeirra eru meira og minna hættir að veiða að veiða í þjóðgarðinum vegna þess að það hefur suma daga bara verið erfitt að fá stæði við vinsæla og góða veiðistaði og þá er bara að leita ennað. Í þjóðgarðnum er suma dagana orðið ansi þétt setinn bekkurinn og þegar staða er þannig hafa einhverjir farið í Úlfljótsvatn og ekki veitt neitt síður.