Föstudagsplaylisti Rakelar Mjallar

Rakel Mjöll Leifsdóttir setti saman föstudagsplaylista fyrir Vísi að þessu sinni.



Hljómsveitin Dream Wife, sem hún stofnaði með tveimur breskum vinkonum sínum sem hún kynntist í listaháskóla í Brighton, er á hraðri uppleið og spilaði til að mynda fyrir um 20.000 manns á tónleikum í Frakklandi nýverið.

Fyrsta breiðskífa þeirra kom út í janúar á þessu ári og fékk glimrandi viðtökur, þ.á.m. 10 stjörnur frá NME.

Áður var Rakel í hljómsveitinni Halleluwah ásamt Sölva Blöndal og hefur einnig komið víðs vegar við í listasenum Reykjavíkur, Brighton og víðar.

Um lagalistann hafði Rakel lítið annað að segja en hann sé settur saman úr heitum lögum í London, þar sem hún er búsett.