Lögreglu tilkynnt um hvítabjörn á Melrakkasléttu

Lögreglunni á norðurlandi eystra barst tilkynning um sjöleytið í dag að til hvítabjarnar hafi sést nyrst á Melrakkasléttu eða suður af Hraunhafnarvatni.

Ekki er vitað á þessari stundu hvort um hvítabjörn sé að ræða en lögreglumenn vinna í frekari könnun á þessari tilkynningu. 

Þyrla Landhelgisgæslunnar var kölluð til og mun hún fljúga yfir svæðið í leit að hvítabirni.

Lögreglan biðlar til fólks á svæðinu að hafa tafarlaust samand við neyðarlínuna 112 ef það telur sig hafa séð hvítabjörn. Þá brýnir lögreglan einnig fyrir fólki að reyna ekki að nálgast hvítabjörninn.