Valur og Grindavík mætast í 8-liða úrslitum

Síðustu leikir 16-liða úrslita Mjólkurbikars kvenna fóru fram í dag og var dregið í 8-liða úrslitin í beinni útsendingu á Stöð 2 Sport eftir leik Stjörnunnar og Þór/KA.

 

Valur var fyrsta liðið sem var dregið úr pottinum og fá því Valskonur heimaleik en þar mæta þær Grindavík. Stjarnan heimsækir Selfoss.



Leikirnir í 8-liða úrslitunum fara fram í lok þessa mánaðar. Úrslitaleikurinn sjálfur er á dagskrá 18. ágúst.

 

Í 8-liða úrslitunum mætast:

Valur - Grindavík

 

Selfoss - Stjarnan

 

ÍR - Breiðablik

 

Fylkir - ÍBV