Ólsarar höfðu betur á Ásvöllum

Víkingur Ólafsvík nældi sér í afar mikilvæg þrjú stig er liðið vann 1-0 sigur á Haukum á Ásvöllum en leikurinn var liður í fjórðu umferð Inkasso-deildarinnar.

Markalaust var í hálfleik en fyrsta og eina mark leiksins kom á 76. mínútu. Það skoraði lánsmaðurinn úr Fjölni, Ingibergur Kort Sigurðsson, eftir darraðadans í teig Hauka.

Eftir sigurinn eru Ólsararar í fjórða sæti deildarinnar með sjö stig eftir fjóra leikina en Haukar eru þremur sætum neðar með fjögur stig.

Úrslit og markaskorarar eru fengnir frá fótbolti.net.