Ellefu sigrar í röð hjá Heimi

Heimir Guðjónsson og lærisveinar hans í færeyska liðinu, HB, unnu í dag sinn ellefta sigur í röð er liðið vann 1-0 sigur á AB í færeysku úrvalsdeildinni.

Eina mark leiksins kom í fyrri hálfleik en það gerði vængmaðurinn Adrian Justinussen. Annar 1-0 sigur HB í röð en þeir unnu 1-0 sigur á HB/Streym síðasta mánudag.

Þetta var ellefti sigur liðsins í röð í bæði deild og bikar; níu deildarsigrar og tveir bikarsigrar. Einnig var þetta tólfti sigur liðsins í síðustu þrettán leikjum. Liðið hefur ekki tapað síðan í fyrstu umferð deildarinnar.

Brynjar Hlöðversson leikur með liðinu en Heimir Guðjónsson er eins og áður segir þjálfari liðsins. Magnaðir hlutir sem hann er að gera með liðið en HB er á toppi deildarinnnar með 31 stig af 36 mögulegum.