Ronaldo fjarverandi í kynningu Real á nýju treyjunum │Á förum frá Spáni?

Orðrómurinn um að Cristiano Ronaldo sé á leið frá Real Madrid er orðinn enn háværari eftir að hann var ekki með í myndatöku á nýjum búningum Madrid fyrir næstu helgi.

Ronaldo kom orðróminum af stað sjálfur þegar hann sagði „tími minn hjá Real Madrid hefur verið mjög góður. Ég mun njóta sigursins með liðsfélögunum og segja meira eftir nokkra daga,“ í viðtali eftir sigur Real Madrid á Liverpool í úrslitaleik Meistaradeildar Evrópu um helgina.

Í dag hófst sala á nýjum treyjum Real á heimasíðu þeirra og er Ronaldo eini leikmaðurinn í 23 manna hóp Real sem var ekki myndaður í nýju treyjunni.

Gareth Bale setti framtíð sína einnig í uppnám í viðtölum eftir leikinn á laugardag en hann er þó á meðal fyrirsæta í kynningu Real á nýju búningunum.