Formannsskipti eftir kjör í VM

Guðmundur Helgi Þórarinsson hafði betur gegn nafna sínum, Guðmundi Ragnarssyni, í kjöri til formanns VM, félags vélstjóra og málmtæknimanna.

Niðurstaðan var kynnt í fyrradag. Guðmundur Helgi Þórarinsson hlaut 411 atkvæði, eða 51,50 prósent, og Guðmundur Ragnarsson fékk 366 atkvæði, eða 45,86 prósent. Auðir seðlar voru 21.

Guðmundur Helgi hefur verið í aðalstjórn VM frá stofnun félagsins og var áður í stjórn Vélstjórafélags Íslands. Guðmundur Ragnarsson hefur verið formaður VM frá 2008.