Íslandsmeistararnir mæta Stjörnunni í úrslitum Lengjubikarsins

Stjarnan og Þór/KA leika til úrslita um Lengjubikar kvenna en undanúrslitin voru spiluð um helgina.

Þór/KA vann 1-0 sigur á Breiðablik á föstudagskvöldið en leikið var á Leiknisvelli. Eina mark leiksins skoraði borgarstjórinn, Sandra Stephany Mayor, á 63. mínútu og Íslandsmeistararnir komnir í úrslit.

Í dag var svo leikur Stjörnunnar og Vals. Harpa Þorsteinsdóttir skoraði á fyrstu mínútu og þremur mínútum síðar tvöfaldaði Katrín Ásbjörnsdóttir forystu Stjörnunnar.

Í síðari hálfleik klóraði svo nýjasti útlendingur Vals, Crystal Thomas, muninn fyrir Val en það dugði ekki til og Stjarnan er komið í úrslitaleikinn þetta árið.

Úrslitaleikurinn verður á föstudagskvöldið, næstkomandi.