Skattahugmyndir Eyþórs sagðar hannaðar fyrir hina ríku Jakob Bjarnar skrifar 16. apríl 2018 11:40 Hart er sótt að Eyþóri vegna hugmynda sem Sjálfstæðisflokkurinn hefur kynnt um aflagningu fasteignaskatta til þeirra sem eru 70 og eldri. Sjálfstæðisflokkurinn í Reykjavíkurborg hefur kynnt til sögunnar hugmyndir um að fasteignaskattar á þá sem eldri eru en 70 verði hreinlega felldir niður. Þetta hefur víða fallið í grýttan jarðveg þá á þeim forsendum að þetta komi augljóslega þeim sem best eru settir í þessu þjóðfélagi til góða. Og að jafnvel megi einsdæmi heita að skattkerfið sé beinlínis notað til að hygla þeim ríku.Eyþór vill minnka skerðingar til eldri borgara Eyþór Arnalds, leiðtogi Sjálfstæðismanna í borginni, segir í samtali við Vísi þetta alls ekki svo vera. „Alls ekki. Aldraðir eru margir skuldugir en þurfa samt að borga þessa skatta óháð því. Auk þess sem þeir borga alla venjulega skatta af sínum launum. Til ríkis og borgar. Þarna erum við einfaldlega að minnka skerðingar til eldri borgara og stíga þannig fyrsta skref á þeirri braut sem allir hljóta að vera sammála um.“ Meðal þeirra sem hafa gagnrýnt þessar hugmyndir er Haukur Arnþórsson stjórnsýslufræðingur. Hann hefur tekið saman tölur sem byggja byggja á gögnum frá Ríkisskattstjóra, Þjóðskrá og Hagstofunni og ættu að gefa allskýra mynd af stöðunni 2018, sem hann birtir í Facebook-hópnum Stjórnmálaumræðan.Að neðan má sjá upptöku frá fundi Sjálfstæðisflokksins þar sem loforðin voru kynnt á laugardaginn. Grímulaus eftirgjöf til þeirra tekjuhæstu Haukur segir þessa eftirgjöf sem Sjálfstæðisflokkurinn vill ganga í afar einkennilegt loforð i ljósi þess að fátækt sé sannarlega að finna meðal tekjulægstu hópa aldraðra.Haukur hefur greint aldraða í mismunandi tekjuhópa og telur einsýnt að ef hugmyndir Sjálfstæðisflokksins komast til framkvæmda muni það einkum og sérílagi gagnast þeim ríku.„Einkennileg - vegna þess að tekjulægstu hóparnir fá fasteignagjöld þegar niðurfelld að hluta eða að öllu leyti - og fá því ekkert af gjöfinni,“ segir Haukur. Hann bendir á að ef aldraðir eru flokkaðir í 10 tekjuhópa – þá fá 3 tekjulægstu hóparnir ekkert, fjórði hópurinn 10.323 árlega og svo smá hækkar gjöfin uns hún verður að meðaltali 115.761 til tekjuhæsta hópsins; hann hefur um 1,1 milljón í mánaðarlaun.Svona grímulaus gjöf innan skattkerfisins til þeirra tekjuhæstu er fáséð og hefur Eyþór Arnalds og hans fólk sennilega hrist af sér stuðning stórs hóps aldraðra í borginni með þessu. segir Haukur: „Það að auka misskiptingu með skattlagningu er afar sjaldgæft á Vesturlöndum – ef ekki einsdæmi.“Verið að gera öldruðum kleift að búa heima hjá sér Eyþór segir þetta hins vegar einfalt mál. „Álögur á eldri borgara hafa hækkað gríðarlega á síðustu árum með tvennum hætti. Annars vegar hefur Reykjavíkurborg hækkað fasteignagjöld um allt að 40 til 50 prósent á íbúðaeigendur. Auk þess hækkað önnur gjöld eins og til dæmis heita vatnið og fleira sem nauðsynlegt er að kaupa af borginni. Á sama tíma hafa eldri borgarar fundið fyrir tekjuskerðingum þar sem þeim er refsað fyrir að vinna. Auk almennra skatta sem eldri borgarar þurfa að borga til ríkis og borgarinnar hafa verið teknar af þeim lífeyrisgreiðslur, vegna þess að þeir hafa verið að vinna.“Svipmynd frá Valhöll, húsi Sjálfstæðisflokksins. Samstöðufundur 2014. Hugmyndir um að fella niður fasteignaskatta af 70 ára og eldri falla þar vel í kramið.visir/gvaForingi Sjálfstæðismanna segir að þeir séu einfaldlega að leggja það til að borgin leggi sitt af mörkum til þess að auðvelda eldri borgurum að búa, ef þeir geta og vilja, á eigin heimili.Slíkt er ekki bara mannsæmandi heldur miklu hagkvæmara fyrir þjóðfélagið, heldur en nota dvalarstofnanir. „Við teljum að þessi aðgerð spari í kerfinu, þar sem fleiri geta búið lengur heima hjá sér.“Hver hagnast helst á þessum skattabreytingum? Annar sem hefur furðað sig á þessu kosningaloforði er leiðtogi Sósíalistaflokks Íslands, Gunnar Smári Egilsson. Hann tekur dæmi á Facebooksíðu sinni. „Ókei, ímyndum okkur mann sem erfði nokkrar leiguíbúðir eftir föður sinn, sem hafði verið nurlari alla tíð, og segjum að þessi maður hafi keypt fleiri íbúðir í gegnum tíðina svo nú eigi hann 40 leiguíbúðir, nokkrum mánuðum áður en hann verður 67 ára. Miðað við að hver íbúð kosti um 30 m.kr. þá ætti þessi maður að borga 21,6 m.kr. í fasteignagjöld á ári, en ekkert ef Eyþór Arnalds og Sjálfstæðisflokkurinn kemst valda og ná að framkvæma loforð sín. Og þá kemur spurningin:Haldið þið að þessi lýsing geti átt við einhvern áhrifamann innan Sjálfstæðisflokksins?“ Eyþór hefur sett athugasemd við þessa færslu, svohljóðandi: „Gunnar Smári Egilsson: Þetta á eingöngu við þá íbúð sem viðkomandi býr í. - treysti að þú leiðréttir þetta enda ert þú blaðamaður. Kosningar 2018 Sveitarstjórnarkosningar Mest lesið Játa frelsisviptingu og rán en hafna manndrápi Innlent Vön því að hringja í fullorðna karlmenn á fölskum forsendum Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent Tilgangurinn að ná í „easy money“ Innlent „Hann var hræddur, eiginlega alveg skíthræddur“ Innlent Yfirmaður heraflans er á móti hernámi og vill semja Erlent Hættir hjá borgarstjóra og aðstoðar nú ráðherra Innlent Hættir sem ritstjóri Kveiks Innlent Betra að borga tryggingarnar en að sitja uppi með allsherjartjón Innlent Fleiri fréttir Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Sjá meira
Sjálfstæðisflokkurinn í Reykjavíkurborg hefur kynnt til sögunnar hugmyndir um að fasteignaskattar á þá sem eldri eru en 70 verði hreinlega felldir niður. Þetta hefur víða fallið í grýttan jarðveg þá á þeim forsendum að þetta komi augljóslega þeim sem best eru settir í þessu þjóðfélagi til góða. Og að jafnvel megi einsdæmi heita að skattkerfið sé beinlínis notað til að hygla þeim ríku.Eyþór vill minnka skerðingar til eldri borgara Eyþór Arnalds, leiðtogi Sjálfstæðismanna í borginni, segir í samtali við Vísi þetta alls ekki svo vera. „Alls ekki. Aldraðir eru margir skuldugir en þurfa samt að borga þessa skatta óháð því. Auk þess sem þeir borga alla venjulega skatta af sínum launum. Til ríkis og borgar. Þarna erum við einfaldlega að minnka skerðingar til eldri borgara og stíga þannig fyrsta skref á þeirri braut sem allir hljóta að vera sammála um.“ Meðal þeirra sem hafa gagnrýnt þessar hugmyndir er Haukur Arnþórsson stjórnsýslufræðingur. Hann hefur tekið saman tölur sem byggja byggja á gögnum frá Ríkisskattstjóra, Þjóðskrá og Hagstofunni og ættu að gefa allskýra mynd af stöðunni 2018, sem hann birtir í Facebook-hópnum Stjórnmálaumræðan.Að neðan má sjá upptöku frá fundi Sjálfstæðisflokksins þar sem loforðin voru kynnt á laugardaginn. Grímulaus eftirgjöf til þeirra tekjuhæstu Haukur segir þessa eftirgjöf sem Sjálfstæðisflokkurinn vill ganga í afar einkennilegt loforð i ljósi þess að fátækt sé sannarlega að finna meðal tekjulægstu hópa aldraðra.Haukur hefur greint aldraða í mismunandi tekjuhópa og telur einsýnt að ef hugmyndir Sjálfstæðisflokksins komast til framkvæmda muni það einkum og sérílagi gagnast þeim ríku.„Einkennileg - vegna þess að tekjulægstu hóparnir fá fasteignagjöld þegar niðurfelld að hluta eða að öllu leyti - og fá því ekkert af gjöfinni,“ segir Haukur. Hann bendir á að ef aldraðir eru flokkaðir í 10 tekjuhópa – þá fá 3 tekjulægstu hóparnir ekkert, fjórði hópurinn 10.323 árlega og svo smá hækkar gjöfin uns hún verður að meðaltali 115.761 til tekjuhæsta hópsins; hann hefur um 1,1 milljón í mánaðarlaun.Svona grímulaus gjöf innan skattkerfisins til þeirra tekjuhæstu er fáséð og hefur Eyþór Arnalds og hans fólk sennilega hrist af sér stuðning stórs hóps aldraðra í borginni með þessu. segir Haukur: „Það að auka misskiptingu með skattlagningu er afar sjaldgæft á Vesturlöndum – ef ekki einsdæmi.“Verið að gera öldruðum kleift að búa heima hjá sér Eyþór segir þetta hins vegar einfalt mál. „Álögur á eldri borgara hafa hækkað gríðarlega á síðustu árum með tvennum hætti. Annars vegar hefur Reykjavíkurborg hækkað fasteignagjöld um allt að 40 til 50 prósent á íbúðaeigendur. Auk þess hækkað önnur gjöld eins og til dæmis heita vatnið og fleira sem nauðsynlegt er að kaupa af borginni. Á sama tíma hafa eldri borgarar fundið fyrir tekjuskerðingum þar sem þeim er refsað fyrir að vinna. Auk almennra skatta sem eldri borgarar þurfa að borga til ríkis og borgarinnar hafa verið teknar af þeim lífeyrisgreiðslur, vegna þess að þeir hafa verið að vinna.“Svipmynd frá Valhöll, húsi Sjálfstæðisflokksins. Samstöðufundur 2014. Hugmyndir um að fella niður fasteignaskatta af 70 ára og eldri falla þar vel í kramið.visir/gvaForingi Sjálfstæðismanna segir að þeir séu einfaldlega að leggja það til að borgin leggi sitt af mörkum til þess að auðvelda eldri borgurum að búa, ef þeir geta og vilja, á eigin heimili.Slíkt er ekki bara mannsæmandi heldur miklu hagkvæmara fyrir þjóðfélagið, heldur en nota dvalarstofnanir. „Við teljum að þessi aðgerð spari í kerfinu, þar sem fleiri geta búið lengur heima hjá sér.“Hver hagnast helst á þessum skattabreytingum? Annar sem hefur furðað sig á þessu kosningaloforði er leiðtogi Sósíalistaflokks Íslands, Gunnar Smári Egilsson. Hann tekur dæmi á Facebooksíðu sinni. „Ókei, ímyndum okkur mann sem erfði nokkrar leiguíbúðir eftir föður sinn, sem hafði verið nurlari alla tíð, og segjum að þessi maður hafi keypt fleiri íbúðir í gegnum tíðina svo nú eigi hann 40 leiguíbúðir, nokkrum mánuðum áður en hann verður 67 ára. Miðað við að hver íbúð kosti um 30 m.kr. þá ætti þessi maður að borga 21,6 m.kr. í fasteignagjöld á ári, en ekkert ef Eyþór Arnalds og Sjálfstæðisflokkurinn kemst valda og ná að framkvæma loforð sín. Og þá kemur spurningin:Haldið þið að þessi lýsing geti átt við einhvern áhrifamann innan Sjálfstæðisflokksins?“ Eyþór hefur sett athugasemd við þessa færslu, svohljóðandi: „Gunnar Smári Egilsson: Þetta á eingöngu við þá íbúð sem viðkomandi býr í. - treysti að þú leiðréttir þetta enda ert þú blaðamaður.
Kosningar 2018 Sveitarstjórnarkosningar Mest lesið Játa frelsisviptingu og rán en hafna manndrápi Innlent Vön því að hringja í fullorðna karlmenn á fölskum forsendum Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent Tilgangurinn að ná í „easy money“ Innlent „Hann var hræddur, eiginlega alveg skíthræddur“ Innlent Yfirmaður heraflans er á móti hernámi og vill semja Erlent Hættir hjá borgarstjóra og aðstoðar nú ráðherra Innlent Hættir sem ritstjóri Kveiks Innlent Betra að borga tryggingarnar en að sitja uppi með allsherjartjón Innlent Fleiri fréttir Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Sjá meira