Eiður Smári opnaði Fanzone í Rostov

Í dag eru 74 dagar þar til flautað verður til leiks á HM í Rússlandi og er undirbúningur í fullum gangi.

 

Meðal þeirra sem tekur þátt í undirbúningnum er Eiður Smári Guðjohnsen en hann var aðalnúmerið þegar fan-zone var opnað fyrir gesti í Rostov í gær. Ísland mun leika gegn Króatíu í borginni í lokaleik riðlakeppninnar.

Eiður tjáði sig stuttlega um möguleika Íslands á mótinu. ,,Við erum nokkuð bjartsýn þó þetta sé erfiður riðill. Það mikilvægasta fyrir liðið er að það geti borið höfuðið hátt eftir mótin, óháð úrslitunum," sagði Eiður.



Verið er að kynna leikstaðina eina af öðrum en um síðustu helgi var leikvangurinn í Sochi kynntur og Rostov átti sviðið þessa helgina.

 

Nærvera Eiðs Smára vakti mikla lukku. Hann nýtir veruna í Rússlandi einnig við tökur á sjónvarpsþætti um mótið en Eiður Smári mun verða hluti af starfsliði RÚV á mótinu.