Næsti fundur í kjaradeilu ljósmæðra og ríkisins eftir páska

Samninganefndir Ljósmæðrafélags Íslands og ríkisins hittust á fundi hjá Ríkissáttasemjara í dag vegna kjaradeilu ljósmæðra.

Áslaug Valsdóttir, formaður ljósmæðrafélagsins sagði í samtali við fréttastofu nú fyrir fréttir að á fundi deiluaðila í gær hefði þokast í samkomulagsátt en að svo hafi ekki verið í dag og var því fundi slitið.

Hún sagði að einungis munaði 3,7 milljónum á milli deiluaðila til þess að ljósmæður myndu undirrita nýjan kjarasamning. Ekki hefur verið boðað til nýs fundar í kjaradeilunni fyrr en 3. apríl næstkomandi.