Næsti miðasölugluggi fyrir HM 2018 í fótbolta verður opnaður í fyrramálið, 13. mars, klukkan níu að íslenskum tíma.
Að þessu sinni er um að ræða sölu þar sem miðakaupendur fá strax svar um hvort þeir fái miðann og er notast við fyrirkomulagið fyrstur kemur, fyrstur fær. KSÍ greinir frá á heimasíðu sinni.
Verið er að úthluta síðustu miðunum úr síðasta miðasöluglugga í dag og svo hefst næsta kapphlaup í fyrramálið.
KSÍ bendir þeim sem hafa fengið miða en ætla ekki að nýta þá að bíða eftir að endursöluglugginn opni hjá FIFA. Fólk á ekki að reyna að selja miðana sína sjálft og ekki kaupa neina miða nema af miðasöluvef FIFA.
Þeir sem hafa ekki enn fengið miða eru hvattir til að reyna að ná í miða í glugganum sem opnar á þriðjudaginn.
Þá sem vantar miða á HM fá annan séns í fyrramálið
Tómas Þór Þórðarson skrifar

Mest lesið



Grealish og Foden líður ekki vel
Enski boltinn



Njarðvík og ÍR fögnuðu bæði tveimur sigrum í kvöld
Íslenski boltinn



