Fyrsti sigur Fram kom gegn Víkingum

Fram náði í sinn fyrsta sigur í Lengjubikarnum þetta árið þegar liðið mætti Víkingi R. í Egilshöll í kvöld.

Guðmundur Magnússon skoraði eina mark leiksins úr vítaspyrnu á 24. mínútu og kom Fram yfir fyrir leikhléið.

Víkingar spiluðu megnið af seinni hálfleik einum fleiri eftir að Framarar fengu rautt spjald á 55. mínútu. Þeir náðu þó ekki að nýta sér liðsmuninn og misstu eigin leikmann út af á 95. mínútu.

Fram er þó ennþá í botnsæti riðils 1 á markatölu. Víkingur R. er í þriðja sæti með 3 stig, líkt og Njarðvík og ÍBV sem mætast á morgun.