Skálaði fyrir sinni fyrstu Óskarstilnefningu

Leikkonan Margot Robbie var stödd í Ástralíu við frumsýningu á myndinni I, Tonya þegar hún fékk fréttirnar um að hún væri meðal tilnefndra sem besta leikkonan á Óskarnum. 

Þetta er í fyrsta sinn sem Robbie er tilnefnd til Óskarsverðlauna og því vel skiljanlegt að hún hafi skálað duglega við sitt fólk, skælbrosandi eins og sjá má á þessum myndbandi sem bróðir hennar setti á Twitter. 

Myndin sem er byggð á ævi skautadrottningarinnar umdeildu Tonyu Harding hefur fengið góðar viðtökur og Robbie góða dóma gagnrýnenda. Hún lagði líka mikið á sig fyrir hlutverkið þar sem hún lá yfir upptökum af skautadansi Harding og viðtölum til að ná hreimnum hennar. Hún var til að mynda í 6 mánuða skautaæfingarbúðum fyrir tökurnar og þannig mætti lengi telja. Það hefur heldur betur borgað sig. 

Óskarinn fer fram þann 4 mars næstkomandi og meðal tilnefndra í flokki leikkvenna ársins í aðalhlutverki ásamt Robbie eru Frances McDormand, Sally Hawkins, Meryl Streep og Saoirse Ronan. 

Margot Robbie out celebrating her first ever Oscar nomination! Congrats! #OscarNoms pic.twitter.com/S9cLTPZnQp

— best of margot (@bestofmargot) January 23, 2018