Hitað upp fyrir X-Files

Þegar síðasta þáttaröð X-Files endaði í febrúar var útlitið ekki gott fyrir Fox Mulder og Dana Scully. Heimurinn virtist vera að líða undir lok vegna smitsjúkdóms og geimskip sveif yfir Scully. Nú er komið að svörum.

Forsvarsmenn X-Files hafa birt stiklu þar sem farið er yfir nýju þáttaröðina og hvað hún muni bjóða upp á.

Síðasta þáttaröð, sem sýnd var í byrjun árs, var einungis sex þættir. Að þessu sinni eru þeir tíu. Framleiðendurnir lofa því að nú verði þættirnir líkari gömlu og góðu þáttunum.

Þættirnir verða sýndir á Stöð 2 og sá fyrsti þann 4. janúar. Degi á eftir frumsýningunni í Bandaríkjunum.