Rafn tennismaður ársins

Rafn Kumar Bonifacius er tennismaður ársins 2017 að mati Hafna- og mjúkboltafélags Reykjavíkur.

Rafn var ósigraður á mótaröð Tennissambandsins þriðja árið í röð. Hann vann Meistaramót TSÍ fyrir ári, Íslandsmót utanhúss í ágúst og Stórmót Víkings.

Hann keppti fyrir Birkerod í Danmörku í vor á meðan hann stundaði nám við Lýðháskólann í Árhúsum. Birkerod er í efstu deild í Danmörku.

Rafn var einnig í karlalandsliði Íslands sem vann frækinn sigur á móti Modavíu í apríl og keppti fyrir Íslands hönd á Smáþjóðaleikunum í San Marino.

Rafn verður meðal keppenda á Meistaramóti TSÍ í vikunni.