„Strákar klæðast ekki prinsessukjólum“

Heimsmeistarinn í Formúlu 1, Lewis Hamilton, hefur beðist afsökunar á ummælum sem hann lét falla í myndbandi á Instagram.

Í myndbandinu er lítill frændi Hamilton að leika sér í prinsessukjól. „Strákar klæðast ekki prinsessukjólum,“ sagði Hamilton meðal annars við hann. Það féll ekki vel í kramið.

Nú er búið að eyða þessu myndbandi og ökuþórinn hefur beðist afsökunar á ummælum sínum.

Hann segist vera miður sín yfir þessum heimskulegu ummælum og að sjálfsögðu megi litli frændi hans tjá sig eins og hann vill.

Afsökunarbeiðnin kom í kjölfarið á mjög harkalegri gagnrýni sem kappinn fékk á samfélagsmiðlum fyrir ummælin.