Seinni bylgjan: Helgi útnefndi sjálfan sig Hörkutól umferðarinnar

Helgi Hlynsson, markvörður Selfoss, fór mikinn í sigri liðsins á Fram í 14. umferð Olís-deildar karla á sunnudaginn. Helgi var líka í miklu stuði í viðtali eftir leik.

Helgi varði 15 skot í leiknum á móti Fram, þar af tvö með andlitinu.

„Varinn bolti er varinn bolti,“ sagði Helgi sem var ekki í vafa um að hann ætti að vera GForm hörkutól umferðarinnar.

Strákarnir í Seinni bylgjunni hlýddu að sjálfsögðu og útnefndu Helga Hörkutól 14. umferðarinnar.

Innslagið í heild sinni má sjá í spilaranum hér fyrir ofan.