Svíar rústuðu sjónvarpssetti í fagnaðarlátunum | Myndband

Svíar réðu sér ekki fyrir kæti eftir að flautað var til leiksloka í umspilsleiknum gegn Ítalíu á San Siro í gærkvöldi.

Leiknum lyktaði með markalausu jafntefli sem hentaði Svíum vel þar sem þeir unnu fyrri leikinn í Stokkhólmi með einu marki gegn engu.

Sænska liðið er því komið á HM á Rússland en það ítalska situr eftir með sárt ennið.

Gleðin var mikil hjá sænsku leikmönnunum sem réðust m.a. inn í beina útsendingu Eurosport við hliðarlínuna og rústuðu settinu.

Atvikið má sjá hér fyrir neðan.