5 flottustu trendin fyrir herrana í vetur

Þá er kominn tími til að kíkja á herratískuna í vetur en að venju er margt og mikið að gerast í tískuheiminum þegar kemur að körlunum.

Glamour ákvað því að taka saman fimm topp trend fyrir herra sem vert er að skoða betur.

1. Ullarfrakki

Yfirhafnir eru alltaf nauðsynlegar yfir vetrartímann og engin undantekning núna. Nú er herrafrakkinn að koma sterkur inn, millisíður, víður eða klæðskerasniðinn.

Það er um að gera að nota frakkann yfir hettupeysuna og íþróttabuxurnar - enda fátt meira í tísku núna en að blanda saman hversdagsfatnaði við fínan.

2. Prjónapeysur

Hér er trend sem við getum öll verið sammála um að passi inn í íslenskan vetur.

Prjónapeysur eiga alltaf við - yfir skyrtur, undir jakkafötin og við gallabuxurnar. Jarðlitirnir eru að koma sterkir inn svo það er gott að hafa það í huga.

3. Beinar gallabuxur

Já, nú fagna eflaust einhverjir en samkvæmt tískuspekingum fara buxnaskálmarnar nú víkkandi fyrir herrana.

Beinar skálmar skulu það vera í ár og ekki skemmir fyrir að vera með örlítið uppábrot.

4. Hettupeysur við allt

Hettupeysurnar eru komnar til að vera. Hversdagsflík sem passar við hvað sem er og þægileg í þokkabót.

Verslanir landsins eru fullar af allskonar útgáfur af þessi flík svo það er um að gera að fjárfesta í einni góðri fyrir veturinn.

 

5. Reimaðir skór

Nú er kominn tími til að huga að skóbúnaði vetrarins sem heldur veðri og vindi.

Skótíska og buxnatíska haldast yfirleitt í hendur og nú þegar beinar ökklasíðar skálmar er flott að para því saman við reimaða leðurskó sem ná upp á ökklann