Frakkland og Portúgal þjóðir númer 18 og 19 sem tryggja sig inn á HM í Rússlandi | Úrslit kvöldsins

Frakkland og Portúgal léku báðar eftir afrek Íslendinga frá því í gær og tryggðu sér í kvöld farseðilinn á HM í Rússlandi en þá lauk riðlakeppni Evrópuhluta undankeppni heimsmeistaramótsins 2018.

Lokaumferðin í þremur síðustu riðlinum fór fram í kvöld og eftir þessa leiki hafa níu Evrópuþjóðir tryggt sig inn á HM í Rússlandi næsta sumar en tíunda Evrópuþjóðin eru síðan gestgjafar Rússa.

Portúgal varð að vinna sinn leik á móti Sviss til að komast beint á HM en á endanum skiptu úrslitin úr leik Frakka ekki máli því Holland vann Svíþjóð á sama tíma.

Sigur Hollendinga dugði þó ekki til að þeir eru að missa af öðru stórmótinu í röð.

Eftir leikina í kvöld er líka ljóst að Svíþjóð, Sviss og Grikkland fara í umspilið með Króatíu, Danmörku, Ítalíu, Norður-Írlandi og Írlandi.

Það verður dregið í umspilinu á mánudaginn en sigurvegararnir úr leikjunum fjórum tryggja sér sæti á HM í Rússlandi.

Hér fyrir neðan má sjá úrslitin og markaskorarar úr leikjum kvöldsins.



Úrslit og markaskorarar í undankeppni HM í kvöld:



A-riðill

Frakkland - Hvíta Rússland    2-1

1-0 Antoine Griezmann (27.), 2-0 Olivier Giroud (33.), 2-1 Anton Saroka (45.)

Lúxemborg - Búlgaría    1-1

1-0 Olivier Thill (3.), 1-1 Ivaylo Chochev (68.)

Holland - Svíþjóð    2-0

1-0 Arjen Robben (16.), 2-0 Arjen Robben (40.)

Beint á HM 2018: Frakkland

Í umspil um sæti á HM 2018: Svíþjóð

Úr leik: Holland, Búlgaría, Hvíta-Rússland og Lúxemborg.



B-riðill

Portúgal - Sviss    2-0

1-0 Sjálfsmark Johan Djourou (41.), 2-0 André Silva (57.)

Ungverjaland - Færeyjar    1-0

1-0 Dániel Böde (81.)

Lettland - Andorra    4-0

1-0 Davis Ikaunieks (11.), 2-0 Valerijs Sabala (19.), 3-0 Valerijs Sabala (59.), 4-0 Davis Ikaunieks (63.)

Beint á HM 2018: Portúgal

Í umspil um sæti á HM 2018: Sviss

Úr leik: Ungverjaland, Færeyjar, Lettland og Andorra.



H-riðill

Belgía - Kýpur    4-0

1-0 Eden Hazard (12.), 2-0 Thorgan Hazard (52.), 3-0 Eden Hazard (63.), 4-0 Romelu Lukaku (78.)

Eistland - Bosnía    1-2

0-1 Izet Hajrovic (48.), 1-1 Ilja Antonov (75.), 1-2 Izet Hajrovic (84.)

Grikkland - Gíbraltar    4-0

1-0 Vasilis Torosidis (32.), 2-0 Kostas Mitroglou (61.), 3-0 Kostas Mitroglou (63.), 4-0 Giannis Gianniotas (78.)

Beint á HM 2018: Belgía

Í umspil um sæti á HM 2018: Grikkland

Úr leik: Bosnía, Eistland, Kýpur og Gíbraltar