Tímabilið búið hjá Matthíasi: Svo dæmigert

Matthías Vilhjálmsson staðfesti á Instagram-síðunni sinni í dag að hann myndi ekki spila meira á tímabilinu vegna hnémeiðsla.

„Ég get staðfest að tímabilinu mínu er lokið vegna hnémeiðsla. Svo dæmigert að þetta gerist á besta tímabili ferils míns,“ skrifaði hann Instagram-síðuna sína.

Rosenborg er á toppi norsku deildarinnar og Matthías er þriðji markahæsti leikmaður liðsins í ár með sjö mörk í átján leikjum. Hann spilaði síðast með Rosenborg í 4-1 sigri á Kristiansund í byrjun ágúst.

Rosenborg sló út Ajax í forkeppni Evrópudeildar UEFA og spilar í riðlakeppninni í vetur. Liðið er í L-riðli með Vardar, Zenit og Real Sociedad.

I can confirm that I am out for the rest of the season with a knee injury. So typical when I was having the best season of my career. Now my motivation is to come back even stronger and to support the team so we can win the league and do well in the group stage of the Europa League

A post shared by Matthias Vilhjalmsson (@mattivilla) on Sep 6, 2017 at 4:41am PDT