Systurnar földu tárin undir sólgleraugunum Kolbeinn Tumi Daðason skrifar 22. júlí 2017 09:30 Margrét Lára og Elísa Viðarsdætur eru úti í Hollandi að horfa á íslenska landsliðið. Mynd úr einkasafni Þó að krossbandsslit hafi slökkt í EM draumi systranna Elísu og Margrétar Láru Viðarsdætra eru Eyjameyjarnar engu að síður mættar til Hollands þar sem þær dvelja í sumarhúsabyggð með hátt í þrjátíu manns úr fjölskyldunni, og allir mættir til að styðja stelpurnar okkar. Systrunum fannst erfitt að vera í stúkunni í leiknum gegn Frakklandi. „Mér fannst það mjög erfitt þótt við höfum báðar undirbúið okkur mjög vel. Ég setti upp sólgleraugun í þjóðsöngnum,“ segir Margrét Lára. Tárin voru hins vegar af tvennu tagi. „Bæði er maður svekktur yfir að vera ekki að spila og svo var maður grátandi smá gleðitárum, og nú hljóma ég eins og hundrað ára, en ég er búin að vera í þessu í fimmtán ár og sjá hvað við Íslendingar erum frábærir,“ segir Margrét Lára. Hún minnist þess að fimmtíu manns hafi fylgt liðinu á EM í Finnlandi 2009 en nú eru um þrjú þúsund manns í Hollandi.Margrét Lára Viðarsdóttir og Elísa Viðarsdóttir eru báðar í Hollandi að styðja félaga sína í landsliðinu.Mynd/Björn G. Sigurðsson„Að hafa fengið að fara þennan stiga með liðinu, maður fyllist svo miklu stolti. Maður veit að ásamt fleiri leikmönnum á maður smá þátt í því og það er gaf manni óneitanlega mikla gleði líka.“ Elísa, sem er 26 ára varnarmaður, sleit krossband í vináttulandsleik gegn Hollandi í apríl. Tveimur mánuðum síðar sleit markadrottningin krossband í leik í Pepsi-deild kvenna. Í báðum tilfellum varð fljótlega ljóst að þær yrðu ekki með á EM. Elísa segir það líka lærdómsríkt að kynnast því að vera hinum megin við borðið. „Ég held að maður læri ofboðslega mikið af því. Þetta er eitthvað sem mótíverar mann í endurhæfingunni. Maður einhvern veginn er ofboðslega viljugur að gera þetta vel og koma sterkari til baka,“ segir Elísa. Hún setti sömuleiðis upp sólgleraugun á leiknum en það eru ekki bara stundirnar á vellinum sem þær sakna. Stelpurnar í landsliðinu eru duglegar á samfélagsmiðlum þar sem sjá má að lífið á hótelinu er skemmtilegt, mikið hlegið og stundirnar góðar. „En við eigum líka frábærar stundir hérna saman fjölskyldan,“ segir Elísa. Margrét bætir við: „Það er forvitnilegt að fá að vera hinum megin við borðið. Nú vitum við hvað þau verða að gera á HM eftir tvö ár þegar við verðum í harkinu á vellinum,“ segir Margrét Lára. Tekur hún þar af allan vafa um hvort hún hyggi á endurkomu en Margrét verður 31 árs síðar í mánuðinum. Þær eru bjartsýnar fyrir leikinn gegn Sviss í dag. Margrét minnir á að 1-0 tap gegn Frakklandi séu bestu verstu úrslitin sem hægt var að fá. „Ég sé ekki mörg lið fara svona í gegnum Frakklandsleiki,“ segir Margrét og talar af reynslu. Hún skoraði óvænt sigurmark gegn Frökkum árið 2007 í leik sem markaði upphafið að EM ævintýrum stelpnanna okkar sem sér ekki fyrir endann á. Tíu árum síðar eru þær stoltar af því hvar landsliðið er statt og Elísa segir varnarfærslurnar í Frakklandsleiknum í vikunni hafa verið svo til upp á tíu. „Það eina sem vantaði var smá heppni upp við markið,“ segir Margrét. Liðið hafi eflaust verið aðeins stressað gegn Frökkum, ekki náð að halda boltanum nógu vel innan liðsins sem verði eflaust betra gegn Sviss. „Ég held við séum að fara að vinna þennan leik, ég er eiginlega viss um það.“Margrét Lára spjallaði við strákana í Bakaríinu á Bylgjunni í morgun en þeir eru mættir til Hollands og senda þátt sinn út frá Doetinchem. EM 2017 í Hollandi Birtist í Fréttablaðinu Mest lesið Slæm byrjun Vals hélt áfram í Garðabænum Handbolti „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Fleiri fréttir Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Sjá meira
Þó að krossbandsslit hafi slökkt í EM draumi systranna Elísu og Margrétar Láru Viðarsdætra eru Eyjameyjarnar engu að síður mættar til Hollands þar sem þær dvelja í sumarhúsabyggð með hátt í þrjátíu manns úr fjölskyldunni, og allir mættir til að styðja stelpurnar okkar. Systrunum fannst erfitt að vera í stúkunni í leiknum gegn Frakklandi. „Mér fannst það mjög erfitt þótt við höfum báðar undirbúið okkur mjög vel. Ég setti upp sólgleraugun í þjóðsöngnum,“ segir Margrét Lára. Tárin voru hins vegar af tvennu tagi. „Bæði er maður svekktur yfir að vera ekki að spila og svo var maður grátandi smá gleðitárum, og nú hljóma ég eins og hundrað ára, en ég er búin að vera í þessu í fimmtán ár og sjá hvað við Íslendingar erum frábærir,“ segir Margrét Lára. Hún minnist þess að fimmtíu manns hafi fylgt liðinu á EM í Finnlandi 2009 en nú eru um þrjú þúsund manns í Hollandi.Margrét Lára Viðarsdóttir og Elísa Viðarsdóttir eru báðar í Hollandi að styðja félaga sína í landsliðinu.Mynd/Björn G. Sigurðsson„Að hafa fengið að fara þennan stiga með liðinu, maður fyllist svo miklu stolti. Maður veit að ásamt fleiri leikmönnum á maður smá þátt í því og það er gaf manni óneitanlega mikla gleði líka.“ Elísa, sem er 26 ára varnarmaður, sleit krossband í vináttulandsleik gegn Hollandi í apríl. Tveimur mánuðum síðar sleit markadrottningin krossband í leik í Pepsi-deild kvenna. Í báðum tilfellum varð fljótlega ljóst að þær yrðu ekki með á EM. Elísa segir það líka lærdómsríkt að kynnast því að vera hinum megin við borðið. „Ég held að maður læri ofboðslega mikið af því. Þetta er eitthvað sem mótíverar mann í endurhæfingunni. Maður einhvern veginn er ofboðslega viljugur að gera þetta vel og koma sterkari til baka,“ segir Elísa. Hún setti sömuleiðis upp sólgleraugun á leiknum en það eru ekki bara stundirnar á vellinum sem þær sakna. Stelpurnar í landsliðinu eru duglegar á samfélagsmiðlum þar sem sjá má að lífið á hótelinu er skemmtilegt, mikið hlegið og stundirnar góðar. „En við eigum líka frábærar stundir hérna saman fjölskyldan,“ segir Elísa. Margrét bætir við: „Það er forvitnilegt að fá að vera hinum megin við borðið. Nú vitum við hvað þau verða að gera á HM eftir tvö ár þegar við verðum í harkinu á vellinum,“ segir Margrét Lára. Tekur hún þar af allan vafa um hvort hún hyggi á endurkomu en Margrét verður 31 árs síðar í mánuðinum. Þær eru bjartsýnar fyrir leikinn gegn Sviss í dag. Margrét minnir á að 1-0 tap gegn Frakklandi séu bestu verstu úrslitin sem hægt var að fá. „Ég sé ekki mörg lið fara svona í gegnum Frakklandsleiki,“ segir Margrét og talar af reynslu. Hún skoraði óvænt sigurmark gegn Frökkum árið 2007 í leik sem markaði upphafið að EM ævintýrum stelpnanna okkar sem sér ekki fyrir endann á. Tíu árum síðar eru þær stoltar af því hvar landsliðið er statt og Elísa segir varnarfærslurnar í Frakklandsleiknum í vikunni hafa verið svo til upp á tíu. „Það eina sem vantaði var smá heppni upp við markið,“ segir Margrét. Liðið hafi eflaust verið aðeins stressað gegn Frökkum, ekki náð að halda boltanum nógu vel innan liðsins sem verði eflaust betra gegn Sviss. „Ég held við séum að fara að vinna þennan leik, ég er eiginlega viss um það.“Margrét Lára spjallaði við strákana í Bakaríinu á Bylgjunni í morgun en þeir eru mættir til Hollands og senda þátt sinn út frá Doetinchem.
EM 2017 í Hollandi Birtist í Fréttablaðinu Mest lesið Slæm byrjun Vals hélt áfram í Garðabænum Handbolti „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Fleiri fréttir Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Sjá meira