295 þúsund á dag fyrir aukavakt

Flugmönnum hjá Norwegian býðst nú tvöföld greiðsla fyrir yfirvinnu. Flugstjórar geta til dæmis þénað allt að 295 þúsund íslenskum krónum, vinni þeir á frídegi sínum.

Samkvæmt frétt Dagens Næringsliv eru það fjórfalt hærri laun en venjuleg daglaun. Meiri skortur hefur verið á flugmönnum í sumar en búist var við og hefur þurft að aflýsa flugi að undanförnu. Haft er eftir formanni stéttarfélags flugmanna, að sumir segi kannski já við vakt þótt þeir séu þreyttir. Í þessu starfi eigi menn að vera í toppformi allan tímann.