Þóra Margrét og Melania Trump glæsilegar saman

Leiðtogar ríkjanna innan Atlantshafsbandalagsins mættu til fundar í Brussel í Belgíu í gær  eins og Vísir hefur fjallað um.

Þar vakti helst athygli hegðun og orð Donalds Trumps Bandaríkjaforseta en leiðtogarnir mættu ásamt mökum sínum. Bjarni Benediktsson, forsætisráðherra, var á staðnum ásamt eiginkonu sinni Þóru Margréti Baldvinsdóttur.

Daily Mail fjallar ítarlega um maka leiðtoganna og þá sérstaklega um Melaniu Trump, eiginkonu Donalds Trumps, og Brigitte Macron, eiginkonu Emmanuels Macron, forseta Frakklands.

Þóra kom einstaklega vel fyrir og sést hún á hópmynd sem tekin var af mökunum öllum saman. Þóra hefur slegið í gegn í þáttunum Falleg íslensk heimili á Stöð 2 undanfarnar vikur.

Eins og áður segir vöktu þær Melania og Brigitte mesta athygli samkvæmt frétt Daily Mail. Melania er sögð hafa geislað allan tímann á meðan þyngra hafi verið yfir Brigitte Macron.