Hefja sölu rauðra iPhone 7

Tæknirisinn Apple ætlar að hefja sölu rauðra iPhone 7 og 7 Plus í vikunni. Símarnir verða seldir til styrktar forvarna og rannsókna varðandi alnæmi. Verkefnið er hluti af PRODUCT(RED) átaki Apple sem hefur staðið yfir í rúm tíu ár. Apple hefur safnað rúmlega 130 milljónum dala fyrir Global Fund á þeim árum.

Hægt verður að kaupa símana á föstudaginn á netinu og í verslunum.

Þeir verða eingöngu fáanlegir í 128 og 256 GB útgáfum og munu kosta það sama og hefðbundnir símar.