Öruggur sigur Hauka á botnliðinu

Haukar unnu öruggan sigur á Akeyri 34-20 á heimavelli í Olís-deild karla í handbolta. Haukar voru 18-9 yfir í hálfleik.

Haukar lögðu grunninn að sigrinum með því að skora sjö síðustu mörk fyrri hálfleiks og varð leikurinn aldrei spennandi í seinni hálfleik.

Haukar eru í efsta sæti deildarinnar með 33 stig, fjórum meira en FH og ÍBV sem eiga leik til góða.

Akureyri er í neðsta sæti deildarinnar með 17 stig þegar liðið á aðeins þrjá leiki eftir í deildinni.

Adam Haukur Baumruk var markahæstur fyrir Hauka með 7 mörk en 12 leikmenn skoruðu fyrir Íslandsmeistarana. Brynjar Hólm Grétarsson skoraði 6 mörk fyrir Akureyri.

Upplýsingar um markaskor og gang leiksins voru fengnar af mbl.is.