Hallbera: Landsliðsþjálfarinn segir mér ekki hvar ég á að spila

Landsliðskonan Hallbera Guðný Gísladóttir hefur brugðist við orðum fyrrum landsliðsþjálfarans, Sigurðar Ragnars Eyjólfssonar, sem var í áhugaverðu viðtali í Fréttatímanum.

Þar sakar Sigurður Ragnar eftirmann sinn, Frey Alexandersson, um að tala niður kínversku deildina, þar sem Sigurður Ragnar þjálfar, og segir þjálfarann vera á hálum ís með því að segja að ef leikmenn spili í Kína hafi það áhrif á val hans í landsliðið.

FYI : Ég læt landsliðsþjálfara Íslands ekki segja mér hvar ég á að spila. Er mjög ánægð að spila fyrir Djurgården í topp deild í Evrópu.

— Hallbera Gisladottir (@HallberaGisla) February 24, 2017

Sigurður Ragnar hafði áhuga á tveimur íslenskum landsliðskonum, Dagnýju Brynjarsdóttur og Hallberu Guðnýju Gísladóttur, en þær höfnuðu báðar tækifærinu að spila í Kína.

Hallbera svaraði fyrir sig á Twitter í morgun þar sem hún tók skýrt fram að landsliðsþjálfarinn segði henni ekki hvar hún ætti að spila. Þess utan væri hún ánægð í Svíþjóð.