Allt er vænt sem vel er grænt

Litur ársins 2017 er græni liturinn "greenery" að mati fyrirtækisins Pantone, sem tilnefnir einn lit á hverju ári sem á að fanga stemmingu og anda hvers árs fyrir sig.

Greenery er ljós grasgrænn, ferskur litur sem á að tákna nýtt upphaf, vera vísun í náttúruna en grænn er einnig litur ró og friðar.

Þessi ljósgræni er kannski ekki allra en ef skoðaðar eru tískusýningar fyrir vorið og sumarið má sjá að græni liturinn læddist inn á ansi marga tískupalla.