Öllu tjaldað til hjá Gucci í dag

Alessandro Mischele, yfirhönnuður Gucci frumsýndi í dag vorlínu sína fyrir 2017 með pompi og prakt á tískuvikunni í Mílanó. Sýningin var algjört augnakonfekt með öllum heimsins litum og efnum, en bleiki liturinn var sérstaklega áberandi. Línan var afskaplega fjölbreytt og augljóst að mikil vinna hefur verið lögð í öll smáatriði

Michele hefur notið mikillar velgengni á stuttum tíma sínum hjá Gucci og sölutölur tískuhússins bera vott um það, salan fór upp um 11,5 % á síðasta ári. Hönnun hans er talin höfða betur til markhópsins og þá sérstaklega yngri kaupenda. Miðað við þessa sýningu má búast við áframhaldandi velgengni Gucci á næstu árum.