Úrslitin hafin: Alexis tók dúett með Nilla og fækkaði fötum

Snapchat-keppnin So You Think You Can Snap!, þar sem framhaldsskólar landsins etja kappi, heldur nú áfram á fjórðu keppnisviku. Nú er komið að úrslitunum og reið MH fyrst á vaðið í gær.

Þar mætti Alexis Blackett Garcia enn eina ferðina og að þessu sinni var hann lítið í fötunum. Hann tók óperusöng í Hörpunni, Bónus og inni í bíl með Nilla.

Tuttugu framhaldsskólar skráðu sig til leiks í keppninni og nú eru aðeins fimm skóla eftir. Hver skóli teflir fram einum snappara en keppnin fer fram á Snapchat-reikningi Áttunnar, Attan_official, og fer atkvæðagreiðslan fram þar.

Hægt verður að fylgjast með skólunum sem komust í úrslit á Snapchat-reikningnum Attan_official. Úrslitin verða síðan kynnt á laugardaginn næsta. 

Keppnin heldur áfram í þessari viku og mun Vísir fylgjast grannt með gangi mála allt til enda. Að keppninni stendur samfélagsmiðlaþátturinn Áttan, sem þeir Nökkvi Fjalar, Aron Ingi og Egill Ploder skipa. Nýherji er bakhjarl keppninnar og fær sigurvegarinn nýja Lenovo tölvu í vinning. Hér að ofan má sjá hvernig Alexis stóð sig í gær.