Tónleikarnir breyttust í plötu 17. september 2016 18:00 Hljómsveitin Puffin Island, f.v.: Aron Steinþórsson, Egill Jónsson og Skúli Jónsson. MYND/GVA Hjómsveitin Puffin Island hefur vakið nokkra athygli undanfarið ár fyrir melódíska og afar áheyrilega popp- og rokktónlist. Sveitin hefur m.a. átt þrjú lög ofarlega á Vinsældarlista Rásar 2, þar af lagið Harrison sem náði þriðja sætinu síðasta sumar. Í vor kom frumburður sveitarinnar út, Another Day, sem hefur fengið góðar viðtökur víðast hvar. Það eru bræðurnir Egill og Skúli Jónssynir og Aron Steinþórsson sem skipa sveitina en þeir ólust allir upp í Vestubæ Reykjavíkur. Hljómsveitin á sér frekar stuttan líftíma því boltinn byrjaði að rúlla snemma árs 2015. Þá var Skúli kominn með dágóðan bunka af lagahugmyndum sem hann vissi ekki hvað hann ætti að gera við. „Ég hafði þá samband við Aron og spurði hvort hann væri ekki til í að glamra þessar hugmyndir til og þróa áfram. Þá var markmiðið að reyna að æfa upp sett fyrir tónleika um sumarið. Í eitt skiptið sat Egill með okkur þar sem við vorum að spila lögin og honum leist svo vel á að hann sagði: Strákar mínir, við tökum þetta upp og gerum plötu.“Puffin Island hitaði upp fyrir Ný Dönsk á Nasa síðustu helgi.Mynd/Snæfríður JónsdóttirHressandi lög Þannig breyttust áform þeirra, tónleikarnir voru settir í salt og stefnan sett á upptökur segir Aron. „Vendipunkturinn í öllu ferlinu var stuttu eftir þessa yfirlýsingu Egils, þegar hann trommaði öll lögin inn á teip á einum degi. Vorið og sumarið fóru svo í að taka upp öll hin hljóðfærin og söng, fyrir utan auðvitað að semja texta við lögin. Við vorum í smá kapphlaupi við tímann því Skúli var að flytja til New York síðsumars. Eftir að Skúli flutti út fór hljóðblöndunarvinna af stað, samhliða því sem við settum eitt og eitt lag í spilun yfir veturinn.“ Fyrsta lagið til að fá spilun var Harrison. Lagið varð óvænt nokkuð mikið spilað sumarið 2015 og náði fyrir vikið þriðja sætinu á Vinsældarlista Rásar 2. Í kjölfarið fylgdu lögin Another Day og Stúlka sem bæði enduðu ofarlega á sama lista. Frumburðurinn, Another Day, kom svo lokst út síðasta vor og hef fengið góða dóma víðast hvar.Syngja á ensku og íslensku Sjálfir lýsa þeir tónlist sinni sem grípandi indípoppi þar sem gítarar eru áberandi, lögin oft lituð af „doo-wop“ innblásnum bakröddumog enginn skortur sé á tambúrínuhristingi. Textar plötunnar eru bæði á íslensku og ensku. Egill segir þá ekki hafa hugsað plötuna sem konsept stykki, frekar sem samansafn af fjörugum lögum. „Því vorum við ekkert að stressa okkur á að hafa texta bara á ensku eða íslensku. Við létum það bara ráðast svolítið eftir laglínum og anda laganna. Einfaldar enskar textasmíðar henta sumum lögunum á plötunni. Við höfðum líka frekar þröngan tímaramma út af því að Skúli var að fara út um haustið svo sumir textarnir voru ekki fullkláraðir fyrr en nokkrum mínútum áður en þeir voru sungnir inn.“Frumburður sveitarinnar kom út í vor og hefur fengið góða dóma.Mynd/Knútur GústafssonNýtt efni framundan Þar sem Skúli var búsettur í New York í sumar gátu þeir ekki fylgt plötunni almennilega eftir. Nú er hann kominn heim og sveitin hélt sína fyrstu tónleika á Nasa síðustu helgi. Þar hituðu þeir upp fyrir Nýdönsk sem var heljarinnar teiti að sögn Skúla. „Það er mikilvægt fyrir okkur að fá smá nasaþef af tónleikahaldi. Við ætlum að reyna að spila reglulega fram að Airwaves þar sem við munum koma fram. og svo er á döfinni að halda útgáfutónleika þegar platan kemur út á föstu formi. Svo erum við með nóg af nýju efni og hlökkum til að taka upp næstu plötu, sem verður eflaust ögn rokkaðri en frumburðurinn.“ Skúli og Aron skipta aðalrödd með sér á plötunni eftir því hvaða lög henta hvorum betur auk þess sem Skúli spilar á rafmagnsgítar, Egill á trommur og bassa og Aron á kassagítar. „Í dag er sveitin stærri og höfum við fengið til liðs við okkur Helga Pétur Hannesson á trommur, Gunnar Pétur Hauksson á bassa og Einar Lövdahl leikur á tambúrínu og syngur bakraddir. Svo mun tónlistarmaðurinn Jón Ólafsson, m.a. kenndur við Nýdönsk, spila annað slagið með bandinu þegar færi gefst til.“ Hlusta má á tónlist Puffin Island m.a. á Sportify og Soundcloud. Airwaves Mest lesið Balta bregst bogalistin Gagnrýni Tók sex ólíka stera fyrir hjartastoppið: „Þannig ég segi nei við sterum“ Lífið „Pabbi hélt alltaf að þú værir kunta, takk fyrir að sanna það“ Lífið Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið Kristján Einar leitar sér aðstoðar Lífið Enn ástfangnari að sjá maka sinn í foreldrahlutverkinu Lífið Hætta með Þarf alltaf að vera grín? af persónulegum ástæðum Lífið „Stolt af því að hafa ekki gefist upp á sjálfri mér“ Lífið Tökur á Disneymynd, óttalaus rotta eða eru allir vinir í Vesturbænum? Lífið Fleiri fréttir Allt ætlaði um koll að keyra í Borgarleikhúsinu Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Friðrik Þór og Guðrún selja 225 milljón króna parhús í Hlíðunum „Stolt af því að hafa ekki gefist upp á sjálfri mér“ Enn ástfangnari að sjá maka sinn í foreldrahlutverkinu „Klárari, sætari og skemmtilegri með aldrinum“ Mömmupasta að hætti Lindu Ben Tökur á Disneymynd, óttalaus rotta eða eru allir vinir í Vesturbænum? Skvísur landsins skáluðu í miðborginni Vildi frekar hafa David Hasselhoff uppá vegg en Jón Ólafs „Pabbi hélt alltaf að þú værir kunta, takk fyrir að sanna það“ Gengu um rústir ratsjárstöðvar og klifu fáfarnasta fjall Hornstranda Kaupir fjórða húsið við sömu götu Tælenskar salatvefjur í anda Cheesecake Factory Íslenskur Hollywood-leikari selur íbúð í Seljahverfinu Hætta með Þarf alltaf að vera grín? af persónulegum ástæðum Íbúð í Vesturbænum með mikinn karakter Hrósar eiginkonu Bruce Willis fyrir umönnun leikarans Kristján Einar leitar sér aðstoðar Yngsti Íslendingurinn frá upphafi sem safnar skákstigum Nældi sér í einn umdeildan Er hægt að komast yfir framhjáhald? Cardi B sýknuð af kröfu um líkamsárás á öryggisvörð Svona færðu fullnægingu án handa Huggulegustu hommar landsins kaupa heillandi hæð Sjá meira
Hjómsveitin Puffin Island hefur vakið nokkra athygli undanfarið ár fyrir melódíska og afar áheyrilega popp- og rokktónlist. Sveitin hefur m.a. átt þrjú lög ofarlega á Vinsældarlista Rásar 2, þar af lagið Harrison sem náði þriðja sætinu síðasta sumar. Í vor kom frumburður sveitarinnar út, Another Day, sem hefur fengið góðar viðtökur víðast hvar. Það eru bræðurnir Egill og Skúli Jónssynir og Aron Steinþórsson sem skipa sveitina en þeir ólust allir upp í Vestubæ Reykjavíkur. Hljómsveitin á sér frekar stuttan líftíma því boltinn byrjaði að rúlla snemma árs 2015. Þá var Skúli kominn með dágóðan bunka af lagahugmyndum sem hann vissi ekki hvað hann ætti að gera við. „Ég hafði þá samband við Aron og spurði hvort hann væri ekki til í að glamra þessar hugmyndir til og þróa áfram. Þá var markmiðið að reyna að æfa upp sett fyrir tónleika um sumarið. Í eitt skiptið sat Egill með okkur þar sem við vorum að spila lögin og honum leist svo vel á að hann sagði: Strákar mínir, við tökum þetta upp og gerum plötu.“Puffin Island hitaði upp fyrir Ný Dönsk á Nasa síðustu helgi.Mynd/Snæfríður JónsdóttirHressandi lög Þannig breyttust áform þeirra, tónleikarnir voru settir í salt og stefnan sett á upptökur segir Aron. „Vendipunkturinn í öllu ferlinu var stuttu eftir þessa yfirlýsingu Egils, þegar hann trommaði öll lögin inn á teip á einum degi. Vorið og sumarið fóru svo í að taka upp öll hin hljóðfærin og söng, fyrir utan auðvitað að semja texta við lögin. Við vorum í smá kapphlaupi við tímann því Skúli var að flytja til New York síðsumars. Eftir að Skúli flutti út fór hljóðblöndunarvinna af stað, samhliða því sem við settum eitt og eitt lag í spilun yfir veturinn.“ Fyrsta lagið til að fá spilun var Harrison. Lagið varð óvænt nokkuð mikið spilað sumarið 2015 og náði fyrir vikið þriðja sætinu á Vinsældarlista Rásar 2. Í kjölfarið fylgdu lögin Another Day og Stúlka sem bæði enduðu ofarlega á sama lista. Frumburðurinn, Another Day, kom svo lokst út síðasta vor og hef fengið góða dóma víðast hvar.Syngja á ensku og íslensku Sjálfir lýsa þeir tónlist sinni sem grípandi indípoppi þar sem gítarar eru áberandi, lögin oft lituð af „doo-wop“ innblásnum bakröddumog enginn skortur sé á tambúrínuhristingi. Textar plötunnar eru bæði á íslensku og ensku. Egill segir þá ekki hafa hugsað plötuna sem konsept stykki, frekar sem samansafn af fjörugum lögum. „Því vorum við ekkert að stressa okkur á að hafa texta bara á ensku eða íslensku. Við létum það bara ráðast svolítið eftir laglínum og anda laganna. Einfaldar enskar textasmíðar henta sumum lögunum á plötunni. Við höfðum líka frekar þröngan tímaramma út af því að Skúli var að fara út um haustið svo sumir textarnir voru ekki fullkláraðir fyrr en nokkrum mínútum áður en þeir voru sungnir inn.“Frumburður sveitarinnar kom út í vor og hefur fengið góða dóma.Mynd/Knútur GústafssonNýtt efni framundan Þar sem Skúli var búsettur í New York í sumar gátu þeir ekki fylgt plötunni almennilega eftir. Nú er hann kominn heim og sveitin hélt sína fyrstu tónleika á Nasa síðustu helgi. Þar hituðu þeir upp fyrir Nýdönsk sem var heljarinnar teiti að sögn Skúla. „Það er mikilvægt fyrir okkur að fá smá nasaþef af tónleikahaldi. Við ætlum að reyna að spila reglulega fram að Airwaves þar sem við munum koma fram. og svo er á döfinni að halda útgáfutónleika þegar platan kemur út á föstu formi. Svo erum við með nóg af nýju efni og hlökkum til að taka upp næstu plötu, sem verður eflaust ögn rokkaðri en frumburðurinn.“ Skúli og Aron skipta aðalrödd með sér á plötunni eftir því hvaða lög henta hvorum betur auk þess sem Skúli spilar á rafmagnsgítar, Egill á trommur og bassa og Aron á kassagítar. „Í dag er sveitin stærri og höfum við fengið til liðs við okkur Helga Pétur Hannesson á trommur, Gunnar Pétur Hauksson á bassa og Einar Lövdahl leikur á tambúrínu og syngur bakraddir. Svo mun tónlistarmaðurinn Jón Ólafsson, m.a. kenndur við Nýdönsk, spila annað slagið með bandinu þegar færi gefst til.“ Hlusta má á tónlist Puffin Island m.a. á Sportify og Soundcloud.
Airwaves Mest lesið Balta bregst bogalistin Gagnrýni Tók sex ólíka stera fyrir hjartastoppið: „Þannig ég segi nei við sterum“ Lífið „Pabbi hélt alltaf að þú værir kunta, takk fyrir að sanna það“ Lífið Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið Kristján Einar leitar sér aðstoðar Lífið Enn ástfangnari að sjá maka sinn í foreldrahlutverkinu Lífið Hætta með Þarf alltaf að vera grín? af persónulegum ástæðum Lífið „Stolt af því að hafa ekki gefist upp á sjálfri mér“ Lífið Tökur á Disneymynd, óttalaus rotta eða eru allir vinir í Vesturbænum? Lífið Fleiri fréttir Allt ætlaði um koll að keyra í Borgarleikhúsinu Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Friðrik Þór og Guðrún selja 225 milljón króna parhús í Hlíðunum „Stolt af því að hafa ekki gefist upp á sjálfri mér“ Enn ástfangnari að sjá maka sinn í foreldrahlutverkinu „Klárari, sætari og skemmtilegri með aldrinum“ Mömmupasta að hætti Lindu Ben Tökur á Disneymynd, óttalaus rotta eða eru allir vinir í Vesturbænum? Skvísur landsins skáluðu í miðborginni Vildi frekar hafa David Hasselhoff uppá vegg en Jón Ólafs „Pabbi hélt alltaf að þú værir kunta, takk fyrir að sanna það“ Gengu um rústir ratsjárstöðvar og klifu fáfarnasta fjall Hornstranda Kaupir fjórða húsið við sömu götu Tælenskar salatvefjur í anda Cheesecake Factory Íslenskur Hollywood-leikari selur íbúð í Seljahverfinu Hætta með Þarf alltaf að vera grín? af persónulegum ástæðum Íbúð í Vesturbænum með mikinn karakter Hrósar eiginkonu Bruce Willis fyrir umönnun leikarans Kristján Einar leitar sér aðstoðar Yngsti Íslendingurinn frá upphafi sem safnar skákstigum Nældi sér í einn umdeildan Er hægt að komast yfir framhjáhald? Cardi B sýknuð af kröfu um líkamsárás á öryggisvörð Svona færðu fullnægingu án handa Huggulegustu hommar landsins kaupa heillandi hæð Sjá meira