Jafnt fyrir luktum dyrum í Króatíu

Króatía og Tyrkland gerðu 1-1 jafntefli í riðli Íslands í undankeppni HM sem fer fram í Rússlandi 2018.

Leikið var fyrir luktum dyrum vegna rasisma stuðningsmanna Króatía í vináttulandsleik gegn Ísrael fyrr á þessu ári.

Ivan Rakitic kom Króatíu yfir af vítapunktinum á 44. mínútu, en Adam var ekki lengi í paradís.

Í uppbótartíma í fyrri hálfleik jafnaði svo hinn sparkvissi Hakan Calhanoglu metin og þannig stóðu leikar í hálfleik.

Ekkert mark var skorað í síðari hálfleik og lokatölur því 1-1 jafntefli, en fjögur lið eru því með 1 stig í riðlinum. Kósóvó er með 0 og Finnland 3 stig.

Króatía mætir Kósóvó í næstu umferð, þann 6. september, en sama dag mætir Tyrkland Úkraínu og Ísland mætir Finnlandi á Laugardalsvelli.