Fótbolti

Brössum mistókst að skora í fyrsta leiknum á heimavelli | Sjáðu ótrúlegt klúður Gabriel Jesus

Ingvi Þór Sæmundsson skrifar
Vonbrigðin voru mikil hjá Neymar og félögum.
Vonbrigðin voru mikil hjá Neymar og félögum. vísir/epa
Ekkert mark var skorað í leikjunum tveimur í A-riðli fótboltakeppninnar á Ólympíuleikunum í dag.

Írak og Danmörk gerðu markalaust jafntefli í upphafsleiknum og sömu úrslit urðu í leik Brasilíu og Suður-Afríku.

Brassar sóttu án afláts í leiknum en tókst ekki að skora, þrátt fyrir að vera einum fleiri síðasta hálftímann.

Gabriel Jesus, nýjasti liðsmaður Manchester City, fékk besta færið á 69. mínútu en skaut á einhvern ótrúlegan hátt í stöngina eins og sjá má hér að neðan.

Lokatölur 0-0 sem eru mikil vonbrigði fyrir Brasilíumenn sem ætla sér Ólympíugull á heimavelli.

Ólympíuleikar 2016 í Ríó

Mest lesið


Fleiri fréttir

Sjá meira


×

Mest lesið