Lena Dunham og America Ferrera gerðu grín að Trump

Leikkonurnar America Farrera og Lena Dunham spöruðu ekki skotin á Donald Trump þegar þær héldu ræðu á flokksþingi demókrata á dögunum. Þær töluðu einnig um hvað Hillary Clinton hefði gert mikið fyrir konur og að komin væri sprunga í glerþakið sem þyrfti að brjóta. 

Meðal þess sem þær töluðu um voru skoðanir Trump á minnihlutahópum. America sagði að í augum Trump væri hún nauðgari. Fjölskylda hennar kemur frá Mexíkó en Trump vill, eins og frægt er, banna fleiri innflytjendur þaðan sem og annarsstaðar. Hann hefur meira að segja gengið svo langt að segjast vilja byggja vegg á milli Mexíkó og Bandaríkjana svo að fólk komist ekki ólöglega inn í landið. 

Ræðuna má sjá í heild sinni hér fyrir neðan.