Lars Lagerbäck hafði gaman að lýsingu Guðmundar Benediktssonar í leik Íslands og Austurríkis í gær en óhætt er að segja að lýsing hans á sigurmarki Arnórs Ingva Traustasonar hafi vakið heimsathygli.
Leikmenn landsliðsins höfðu greinilega gaman að þessu því þeir sýndu Lagerbäck myndskeiðið í rútunni á leið frá vellinum í gær.
„Hann var virkilega hamingjusamur,“ sagði Lagerbäck. „Kannski geturðu kallað þetta eitthvað annað. Ég veit það ekki,“ bætti Svíinn við.
„Hann varð svolítið „crazy“ og það var gaman að sjá. Ég sá líka myndir frá Reykjavík og þetta er eins og með alla stuðningsmenn. Maður fær tár í augun þegar maður heyrir „Ég er kominn heim“.“
„Allur þessi stuðningur sem við höfum fengið hefur verið frábær. Ég get rétt ímyndað mér að það sé gaman á Íslandi í dag.“
Fréttina alla má sjá í spilaranum hér fyrir ofan.
Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur á Facebook, Twitter og Snapchat (sport365).
Lagerbäck um Gumma Ben: He went a little crazy
Tengdar fréttir
Lars: „Ég er kominn heim“ hitti mig beint í hjartastað
Íslenski landsliðsþjálfarinn talaði fallega um eitt helsta lag stuðningsmanna íslenska landsliðsins.
Sólarvörn í sólarsamba á æfingu strákanna í Annecy | Myndir
Sólin brosti við íslenska liðinu er það mætti á æfingu í Annecy í dag.
Heimir: Ætla ekki að svara sömu tannlæknaspurningunni 18 sinnum
Íslenska landsliðið neyðist til að takmarka aðgengi fjölmiðlamanna fyrir leikinn gegn Englandi.
Lagerbäck: Öfunda ekki Portúgal
Landsliðsþjálfarinn var hæstánægður með frammistöðu sinna manna gegn Austurríki í gær.
Fleiri fréttir
