Rigning og hvassviðri austantil í kvöld

Lægð úr suðri mun beina austanáttum að okkur næstu daga og má eiga von á miklu vatnsveðri á Austfjörðum og austantil á Suðausturlandi í kvöld og fram eftir morgni. Þar verður hvassviðri og vatn mun vaxa í lækjum og ám og varasamt verður því að vera þar á ferð á húsbílum og með aftanívagna.

Hægari vindur verður í öðrum landshlutum, dálítil rigning verður vestantil í dag en annars úrkomulítið. Hiti verður á bilinu átta til átján stig, svalast í rigningunni.