Ríkislögreglustjóri kannast ekki við beiðni um kynjablöndun

Embætti ríkislögreglustjóra segist ekki hafa fengið beiðni frá frönskum yfirvöldum um að átta manna hópur lögregluþjóna sem sendur yrði til Frakklands í sumar yrði kynjablandaður. Í hópnum eru eingöngu karlar en Eyjan birti í dag frétt um að urgur væri meðal lögreglukvenna vegna þess.

Þar er haft eftir heimildum að í beiðni franskra yfirvalda um aðstoð hafi verið tekið fram að hópurinn ætti að vera kynjablandaður og að lögð yrði áhersla á að framganga lögregluþjónanna myndi einkennast af mjúkri stefnu. Tekið er fram að fyrirspurn hafi verið send þar sem spurt var út í hvort að frönsk yfirvöld hefðu sett fram einhver fyrirmæli um uppbyggingu hópsins en því var ekki svarað.

Í tilkynningu frá Ríkislögreglustjóra segir að nú sé búið að fara gögnin frá Frakklandi og þar sé ekki að finna tilmæli um uppbyggingu hópsins, né tilmælum um framgöngu lögregluþjónanna.