McLaren mun vinna heimsmeistarakeppni bílasmiða áður en einhverjum öðrum keppinauti Mercedes mun takast það, samkvæmt framkvæmdastjóra McLaren, Ron Dennis.
McLaren hefur átt á brattan að sækja að undanförnu. Liðið hefur verið aftar á ráslínum tímabilsins en þessu sögufræga liði sæmir. McLaren kom loksins bíl í þriðju lotu tímatökunnar á Spáni um þar síðustu helgi.
Liðið hefur fulla trú á að það verði þriðja fljótasta liðið í Mónakó kappakstrinum um næstu helgi. Verðlaunasæti eru þó enn fjarlægur draumur að mati Dennis.
„Ég tel í hreinskilni sagt að næstu heimsmeistarar á eftir Mercedes verði McLaren,“ sagði Dennis í viðtali hjá BBC.
„Þetta er stór áskorun en ég hef mikla trú á því að tæknileg kunnátta okkar skili þeim árangri og ég hef trú á Honda,“ bætti Dennis við.
Honda ætlar sér að mæta með glænýjanog algjörlega endurhannaða vél til keppni á næsta ári. Uppfærsluskammtakerfið verður sett í tunnuna og því munu vélaframleiðendur geta byrjað alveg frá grunni. Dennis telur að það muni skila McLaren unnum keppnum á næsta ári.
„Reglugerðin fyrir 2017 mun jafna leikinn aftur og það er nægur tími fyrir okkur og Honda til að ná öðrum liðum. Við verðum í góðri stöðu á næsta ári til að vinna keppnir.
Ég vil ekki spá fyrir um heimsmeistarakeppnir en ég hef það á tilfinningunni að það verði erfitt fyrir alla að velta Mercedes Benz úr sessi. Ég er þess fullviss að okkur mun takast það á undan öðrum,“ sagði Dennis að lokum.
Dennis: Það verður McLaren sem veltir Mercedes úr sessi
Tengdar fréttir
Forseti Ferrari ætlast til þess að liðið vinni spænska kappaksturinn
Sergio Marchionne ætlast til þess af Ferrari liðinu að það fari að snúa við blaðinu og sigra Mercedes. Hann vill að liðið byrji á að vinna spænska kappaksturinn um helgina.
Sebastian Buemi vann í Berlín
Sebastian Buemi á Renault e.Dams kom fyrstur í mark í Formúlu E kappakstrinum í Berlín í dag.
Max Verstappen sá yngsti frá upphafi | Sjáðu allan þáttinn
Rúnar Jónsson og Kristján Einar Kristjánsson gera upp helstu atriði spænska kappakstursins. Keppnin var viðburðarík og spennandi frá upphafi til enda.
Bílskúrinn: Baráttan í Barselóna
Max Verstapen vann sína fyrstu keppni eftir ótrúlega atburðarás síðustu viku. Ökumenn Mercedes duttu úr keppni á fyrsta hring eftir árekstur við hvorn annan.
Williams með furðulegan afturvæng á æfingu
Williams kom öllum á óvart á æfingu á Barselóna brautinni. Æfingar hafa staðið yfir á brautinni eftir spænska kappaksturinn um helgina. Williams mætti með tveggja hæða afturvæng á æfinguna í gær.
