Akureyri knúði fram oddaleik

Akureyri er búið að jafna metin í rimmunni gegn Haukum í átta liða úrslitum Olís-deildar karla, en þeir unnu annan leik liðanna á Akureyri í dag, 25-21.

Haukar rúlluðu yfir Akureyringa í fyrsta leik liðanna á Ásvöllum í vikunni þar sem staðan var meðal annars 20-7 í hálfleik, en það var allt annað lið Akureyrar sem mætti til leiks í kvöld.

Staðan var jöfn 13-13 í hálfleik, en heimamenn sigu fram úr í síðari hálfleik. Hreiðar Levý Guðmundsson lokaði markinu á köflum og Akureyri vann að lokum fjögurra marka sigur, 25-21.

Kristján Orri Jóhannsson skoraði níu mörk fyrir Akureyri og var markahæsti leikmaður vallarins, en næstur kom Tjörvi Þorgeirsson hjá Haukum með sjö.

Oddaleikurinn fer fram á Ásvöllum á þriðjudag.