Aron lét uppeldisfélagið heyra það

Aron Pálmarsson sparaði ekki stóru orðin í garð síns uppeldisfélags, FH, eftir að liðið féll úr leik í úrslitakeppni Olís-deildar karla í gær.

Aron skaut fast á FH á Twitter en hann vill láta reka þjálfarann, Halldór Jóhann Sigfússon, og sagði það vera skandal fyrir félag eins og FH að detta út í 8-liða úrslitunum.

Aron sakar FH-inga einnig um áhugamennsku og segist ekki sjá lengur þann metnað hjá félaginu að vilja vera stærsti klúbbur landsins.

Aðrir FH-ingar á Twitter tóku vel i þessi orð landsliðsmannsins sem augljóslega hefur mikinn metnað fyrir hönd síns gamla félags.

Burtu með þennan coach! Detta ut i 8 lida er skandall fyrir felag eins og FH! Setja standard! Skandall!! #olisdeildin

— Aron Pálmarsson (@aronpalm) April 17, 2016

Finn coach maybe, eg verd samt ad skjota a mitt felag, sami coach i kk og kvk?!lHvada helv amateur-ismi er thad?! 9 stig i kvk og 8 lida kk?

— Aron Pálmarsson (@aronpalm) April 17, 2016

Ætla lika ad skjota a stjornina... Með allri virðingu, hvaða lið erum við með?! Peningar og allt þad er afsökun en gerid betur. Skandall

— Aron Pálmarsson (@aronpalm) April 17, 2016

Ég er alinn upp við það að við seum stærsti klubbur landsins og vid gerum allt fyrir felagid, þessa þra se eg ekki i minu felagi i dag!

— Aron Pálmarsson (@aronpalm) April 17, 2016