Santander segir upp 1.200 starfsmönnum

Spænski bankinn Santander tilkynnti í dag um uppsögn allt að 1.200 starfsmanna á Spáni. Bankinn er sá stærsti innan evrusvæðisins og starfa 25 þúsund manns hjá bankanum á Spáni.

Meirihluti uppsagnanna felur í sér að einhverjir starfsmenn fari snemma á eftirlaun og að aðrir segi upp sjálfviljugir samkvæmt upplýsingum frá stéttarfélaginu UGT. Citizen greinir frá þessu. 

Í síðustu viku tilkynnti bankinn um lokun 450 útibúa en verið er að reyna að beina viðskiptavinum í auknum mæli í netbanka. Santander hagnaðist um 5,97 milljarða evra í fyrra, þrjú prósent meira en árið áður.